rKTs

e-texts navigator

Volume

Page

24b₁ ma tshang ba dag ni tshang bar gyur/ long ba dag ni mthong bar gyur/ 'on pa rnams ni thos par gyur/ lkugs pa dag ni smra bar gyur/ glen pa dag ni shes rab dang ldan par gyur/ sems 'khrugs pa dag ni sems nyid thob par gyur/ bgo ba med pa dag ni gos dang ldan
24b₂ par gyur/ rab tu smad cing bshungs pa dag ni gzhan gyis bkur bar gyur/ dri ma dang bcas pa dag ni lus gtsang bar gyur te/ 'jig rten gyi khams 'dir phan 'dogs pa'i dngos po ngo mtshar rmad du che ba sngon ma byung ba rnams kyang mngon du byung bar gyur to/ /de
24b₃ nas byang chub sems dpa' mdzes pa'i tog de bzhin gshegs pa bzhi dang / ngo mtshar rmad du byung ba'i dngos po de dag mthong bas dga' mgu rangs par gyur nas thal mo sbyar te/ sems rtse gcig tu de bzhin gshegs pa rnams kyi mtshan khyad par du 'phags pa dag la
24b₄ rnam par bltas nas/ gzhan yang 'di snyam du de bzhin gshegs pa shAkya thub pa yon tan tshad med pa dang ldan yang / sku tshe'i tshad 'ba' zhig la the tsom gyi sems skyes par gyur nas/ ci'i phyir de bzhin gshegs pa yon tan tshad med pa mnga' yang sku tshe thung ste lo
24b₅ brgyad cu kho na bzhugs par gyur snyam mo/ /de nas bcom ldan 'das bzhi po de dag gis byang chub sems dpa' mdzes pa'i tog la 'di skad ces bka' stsal to/ /rigs kyi bu nged kyis ni bla na med pa'i thams cad mkhyen pa ma gtogs par lha dang bcas pa'i 'jig rten
24b₆ na/ tshangs pa dang / bdud dang / dge sbyong dang / bram ze dang / mi dang mi ma yin pa gang gis kyang de bzhin gshegs pa'i sku tshe'i tshad kyi mtha' shes shing dpag par 'gyur ba yang dag par ma gzigs so/ /de bzhin gshegs pa bzhi po de dag gis bcom
24b₇ ldan 'das shAkya thub pa'i sku tshe'i tshad bstan par bzhed pa na/ bcom ldan 'das kyis byin gyis brlabs kyi mthus 'dod pa dang gzugs kyi khams kyi lha rnams dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang /

_{iiif viewer powered by OpenSeadragon}

24a - 25a

Texts on this page