rKTs

e-texts navigator

Volume

Page

184a₁ mjed kyi bdag po tshangs pas/ bcom ldan 'das skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don dang / sman pa dang bde ba'i slad du/ chos kyi
184a₂ 'khor lo rab tu bskor bar gsol zhes chos kyi 'khor lo rab tu bskor bar gsol ba btab bo/ /shA ri'i bu ngas sngon byang chub kyi phyir spyad pa spyod pa na/ de bzhin gshegs pa rnams la ring du bzhugs par gsol te/ dge ba'i rtsa ba des ni nga mi 'jigs pa bzhi
184a₃ dang / de bzhin gshegs pa'i stobs bcu dang / sangs rgyas kyi chos ma 'dres pa brgyad dang / so so yang dag par rig pa bzhi dang / byams pa chen po dang / snying rje chen po dang / yongs su mya ngan las 'das pa thob ste/ nga'i dam pa'i chos kyang yun
184a₄ ring du gnas par 'gyur ro/ /de skad ces bka' stsal pa dang / bcom ldan 'das la tshe dang ldan pa shA ri'i bus yang 'di skad ces gsol to/ /bcom ldan 'das rigs kyi bu'am/ rigs kyi bu mo nyan thos kyi theg pa la yang dag par zhugs pa'am/ rang sangs
184a₅ rgyas kyi theg pa la yang dag par zhugs pa'am/ theg pa chen po la yang dag par zhugs pa'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas/ thams cad mkhyen pa nyid du
184a₆ 'gyur bar bgyi ba'i slad du/ dge ba'i rtsa ba rnams ji ltar yongs su bsngo bar bgyi/ de skad ces gsol pa dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di la rigs kyi bu'am/ rigs kyi bu mo nyan thos kyi
184a₇ theg pa la yang dag par zhugs pa'am/ rang sangs rgyas kyi theg pa la yang dag par zhugs pa'am/ theg pa chen po la yang dag par zhugs pa'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par

_{iiif viewer powered by OpenSeadragon}

183b - 184b

Texts on this page