| e-texts navigator |
| བོད་ཡིག |
180a1 pa'i sangs rgyas kyi ye shes mngon par bsgrub par 'dod pa des kyang 'di bzhin du las kyi sgrib pa rnams so sor bshags par bya'o/ /mi bcab par bya'o/ /phyin cad kyang mi bya'o/ /de ci'i phyir zhe na/ shA ri'i bu de bzhin gshegs pas
180a2 chos thams cad ni rten cing 'brel par 'byung ba'o/ /zhes gsungs pa'i phyir te/ rgyu dang rkyen gzhan dang / gzhan gyis gzhan skye'o gzhan 'gog go/ /de la 'das pa'i chos gang yin pa de dag ni 'gags pa zad pa dang bral ba rnam par gyur pa ste/ de dag
180a3 la yang las kyi sgrib pa cung zad kyang med do/ /de ltar na 'du byed gang yin pa rnams kyang med pa las byung ba ste/ de dag la yang las kyi sgrib pa cung zad kyang med do/ /de ci'i phyir zhe na/ shA ri'i bu de bzhin gshegs pas chos thams cad ni stong pa/ sems can
180a4 med pa/ srog med pa/ gang zag med pa/ ma skyes pa/ ma 'gags pa/ 'dus ma byas pa/ zhes gsungs pa'i phyir ro/ /shA ri'i bu chos thams cad bdag las byung ba yang bdag kyang yod pa yin no/ /shA ri'i bu rigs kyi bu'am/ rigs kyi bu mo
180a5 gang la la zhig 'di lta ste/ sems can med pa'i mtha'i chos kyi tshul 'di la 'jug pa 'di ni/ las kyi sgrib pa'i rgyun gcod pa zhes bya ba ste/ shA ri'i bu 'di ni so sor bshags pa'o/ /de nas yang bcom ldan 'das la/ tshe dang ldan pa shA ri'i bus 'di skad ces
180a6 gsol to/ /bcom ldan 'das rigs kyi bu'am/ rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa'am/ theg pa chen po la yang dag par zhugs pa'am/ sems can gzhan dag
180a7 kyang rung ste/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal bas/ ji ltar dge ba'i rtsa ba rnams la rjes su yi rang bar bgyi/ de skad ces gsol pa dang / bcom ldan 'das kyis tshe dang ldan pa shA ri'i bu la 'di
iiif viewer powered by OpenSeadragon
Texts on this page
D556 - 'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo