| e-texts navigator |
| བོད་ཡིག |
177b1 dang / bcom ldan 'das kyis tshe dang ldan pa shA ri'i bu la 'di skad ces bka' stsal to/ /shA ri'i bu 'di la rigs kyi bu'am/ rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa'am/ theg pa
177b2 chen po la yang dag par zhugs pa'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas/ nyin lan gsum mtshan lan gsum du/ bla gos phrag pa gcig tu gzar nas/ pus
177b3 mo g.yas pa'i lha nga sa la btsugs te/ thal mo sbyar nas tshig 'di skad du/ skye bo mang po la sman pa dang / skye bo mang po la bde ba dang / 'jig rten la thugs brtse ba dang / skye bo phal po che dang / lha dang mi rnams kyi don dang / sman pa dang bde ba'i slad du/ sangs rgyas
177b4 bcom ldan 'das gang dag da lta na/ phyogs bcu'i 'jig rten na bla na med pa yang dag par rdzogs pa'i byang chub mngon par rdzogs par sangs rgyas nas/ chos kyi 'khor lo rab tu skor ba/ chos kyi 'khor lo rab tu ston pa/ chos kyi tshul rab tu 'dzin pa/ chos kyi sbyin pa
177b5 rab tu mdzad pa/ chos kyi sgron ma rab tu 'bar bar mdzad pa/ chos kyi char rab tu 'bebs pa/ chos kyi rnga rab tu rdung ba/ chos kyi rnga bo che rab tu rdung ba/ chos kyi dung rab tu 'bud pa/ chos kyi srog shing rab tu sgreng ba/ sems can thams cad la chos kyi sbyin pas tshim
177b6 par mdzad pa/ nyam bag tu spyod du 'jug pa'i sangs rgyas bcom ldan 'das de dag la bdag phyag 'tshal lo// //bam po gsum pa/ sangs rgyas bcom ldan 'das mchod pa'i gnas/ phyag bgyi ba'i gnas/ ri mo bgyi ba'i gnas/ mkhyen
177b7 par gyur pa/ spyan du gyur pa/ dpang du gyur pa/ tshad mar gyur pa/ mkhyen pa dang ldan pa/ gzigs pa dang ldan pa de dag la/ bdag mgo dang / ngag dang yid kyis phyag 'tshal lo/ /thog ma dang tha ma ma mchis pa'i 'khor ba na 'khor ba'i tshe/ bdag
iiif viewer powered by OpenSeadragon
Texts on this page
D556 - 'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo