| e-texts navigator |
| བོད་ཡིག |
177a1 gyur pa ni/ phyogs bcu'i gang gA'i klung gi bye ma snyed kyis kyang dpe dang tshad kyis bskrun par mi nus so/ /snyigs ma lnga'i 'jig rten gyi khams 'od zer des snang bar gyur pa'i sems can de dag mi dge ba bcu'i las kyi lam dang / mtshams med pa lnga
177a2 byed pa dang / dkon mchog gsum la skur pa 'debs pa dang / bla ma dang gnyen pa la sri zhu chung ba dang / slob dpon dang / bram ze la bkur sti mi byed pa rnams/ sems can dmyal ba dang / dud 'gro dang / kyi gnas su ltung bar 'gyur ba de dag gi
177a3 gnas su 'od des reg ma thag tu bde ba so sor myong bar gyur to/ /gang gis 'od de mthong ba dang / 'od de'i mthus thams cad kyang bde zhing nyams dga' ba dang / kha dog dang dbyibs legs pa'i mchog thob pas/ mtshan phun sum tshogs pa dang / bsod nams dang / ye
177a4 shes kyi tshogs kyi rgyan dang ldan pas/ de bzhin gshegs pa rnams mthong bar gyur to/ /de nas brgya byin lha'i dbang po lha'i tshogs mang po dang / gang gA'i lha mo la sogs te/ 'khor 'dus pa de dag ya mtshan du gyur pa'i 'od des bskul nas/ bcom ldan 'das ga la
177a5 ba der song ste phyin nas/ bcom ldan 'das la lan gsum bskor ba byas te/ phyogs gcig tu 'khod do/ /de nas tshe dang ldan pa shA ri'i bu stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das
177a6 ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das rigs kyi bu'am/ rigs kyi bu mo nyan thos kyi theg pa la yang dag par zhugs pa'am/ rang sangs rgyas kyi theg pa la yang dag par zhugs pa'am/
177a7 theg pa chen po la yang dag par zhugs pa'am/ sems can gzhan dag kyang rung ste/ bla na med pa yang dag par rdzogs pa'i byang chub mngon par rdzogs par 'tshang rgya bar 'tshal bas/ las kyi sgrib pa rnams ji ltar so sor bshags par bgyi/ de skad ces gsol pa
iiif viewer powered by OpenSeadragon
Texts on this page
D556 - 'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo