| e-texts navigator |
| བོད་ཡིག |
176b1 gis/ /skyes pa bud med bram ze rgyal rigs las/ /thal sbyar 'dug ste rgyal ba gang bstod pa/ /tshe rabs kun du skye ba dran par 'gyur/ /yan lag dbang po kun gyis yan lag brgyan/ /bsod nams yon tan sna tshogs rnams dang ldan/ /mi dbang rgyal
176b2 pos rtag tu de mchod de/ /de dang de dag tu ni de 'drar 'gyur/ /gang dag rna ba'i bu gar bshags pa 'di ni grags 'gyur ba/ /de dag sangs rgyas gcig gi gan nas dge ba byas ma yin/ /gnyis la ma yin bzhi la ma yin lnga min bcu la min/ /de ltar sangs rgyas
176b3 stong gi gan nas dge ba byas pa yin/ /de'i tshe bcom ldan 'das kyis tshigs su bcad pa de dag gsan nas/ byang chub sems dpa' mdzes pa'i tog la 'di skad ces bka' stsal to/ /legs so legs so/ /rigs kyi bu khyod kyi rmi lam na/ gser gyi rnga las de bzhin
176b4 gshegs pa'i yang dag pa'i yon tan bsngags pa dang / sdig pa bshags pa 'di dag gang gis thos pa de dag thams cad bsod nams kyi phung po rgya chen po dang ldan pa dang / skye bo mang po la phan pa dang / bde bas tshim par byed de/ sgrib pa thams cad byang bar 'gyur bar shes
176b5 par gyis shig / 'di lta bu'i spyod pa khyad par can dang ldan pa 'di dag ni/ thams cad kyang sngon 'das pa'i dus na/ de bzhin gshegs pa dag la bstod pa dang / smon lam rgya chen po btab pa'i rgyu dang / de bzhin gshegs pa'i byin gyi rlabs kyis de dag thos par gyur
176b6 pa yin no zhes bka' stsal nas/ de nas 'khor 'dus pa de dag thams cad bcom ldan 'das kyis gsungs pa la mngon par bstod do/ /gser 'od dam pa mdo sde'i dbang po'i rgyal po las/ rmi lam na bshags pa'i le'u ste bzhi pa'o// //de nas bcom ldan 'das
176b7 yang dag par rnam par dbye ba la bzhugs te/ shin tu zab mo mchog tu gyur pa'i ting nge 'dzin la snyoms par zhugs ma thag tu sku'i ba spu'i bu ga nas/ 'od zer kha dog rnam pa sna tshogs brgya stong tshad med pa byung bas/ sangs rgyas kyi zhing thams cad 'od de'i nang du snang bar
iiif viewer powered by OpenSeadragon
Texts on this page
D556 - 'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo