rKTs

e-texts navigator

Volume

Page

174a₁ pa gang / /sdig de bcab par mi bgyi'o/ /lus kyi las ni rnam gsum dang / /ngag gi rnam pa bzhi dag dang / /yid kyi rnam pa gsum po rnams/ /de dag thams cad bdag 'chags so/ /lus kyis bgyis dang ngag gi las/ /yid kyis rnam
174a₂ par bsams pa dang / /las rnams bcu po bgyis pa dag /de dag thams cad bdag 'chags so/ /mi dge las bcu spangs nas su/ /dge ba bcu po bsten bgyis la/ /sa bcu la ni bdag gnas shing / /stobs bcu mchog tu gyur par shog /bdag gis
174a₃ sdig pa'i las gang dag / mi 'dod 'bras bu thob bgyid pa/ /sangs rgyas spyan sngar mchis nas ni/ /de dag thams cad bshags par bgyi/ /'dzam bu'i gling 'dir gang dag dang / /'jig rten khams ni gzhan dag tu/ /gang rnams dge ba'i las bgyid pa/ /
174a₄ de dag kun la yi rang ngo / /lus dang ngag dang yid kyis kyang / /bdag gis bsod nams gang bsgrubs pa/ /bdag ni dge ba'i rtsa ba des/ /byang chub mchog la reg par shog /srid 'gro nyam ngar byis pa'i blo yis ni/ /shin tu mi bzad sdig pa gang bgyis pa/ /stobs bcu
174a₅ mi mnyam spyan sngar mchis nas ni/ /sdig pa de kun so sor bshags par bgyi/ /skye ba nyam nga srid pa nyam nga dang / /'jig rten nyam nga g.yo sems nyam nga bar/ /lus kyi spyod pa nyam nga sna tshogs kyis/ /bdag gis sdig pa gang bsags de 'chags so/ /byis pa blun byas
174a₆ nyon mongs nyam nga dang / /sdig pa'i grogs dang phrad pa nyam nga dang / /srid pa nyam nga 'dod chags nyam nga dang / /zhe sdang gti mug mun pa'i nyam nga dang / /ngal ba'i nyam nga dus kyi nyam nga dang / /bsod nams bsgrub pa nyam nga dag gis kyang / /rgyal ba mi mnyam mngon
174a₇ sum mchis nas ni/ /sdig pa de kun so sor bshags par bgyi/ /sangs rgyas gser mdog ri snang ri rab 'dra/ /yon tan rgya mtsho 'dra la phyag 'tshal lo/ /rgyal ba de dag rnams la skyabs su mchi/ /rgyal ba de dag kun la mgos phyag 'tshal/ /gser mdog

_{iiif viewer powered by OpenSeadragon}

173b - 174b

Texts on this page