rKTs

e-texts navigator

Volume

Page

169a₁ spangs nas/ sa bcu pa la 'jug go/ /sa de las shes bya'i sgrib pa dang / kun gzhi rnam par shes pa spangs pas/ de bzhin gshegs pa'i sa la 'jug go/ /de bzhin gshegs pa'i sa ni rnam par dag pa gsum gyi phyir/ rab tu rnam par dag pa
169a₂ zhes bya'o/ /gsum gang zhe na/ 'di lta ste/ nyon mongs pa rnam par dag pa dang / sdug bsngal rnam par dag pa dang / mtshan ma rnam par dag pa ste/ ji ltar gser bzang po bzhu zhing btul te/ sbyangs pa la rdul dang dri mas phyir mi gos shing / rang bzhin rnam par dag pa'i
169a₃ gser nyid du snang ste/ gser gyi dngos po rnam par dag pa yang med par gyur pa ma yin pa bzhin no/ /dper na chu rnyog pa can dngas te/ rnam par dngas nas chu'i rang bzhin nyid gsal bar gyur pa yin gyi/ chu de nyid med par gyur pa yang ma yin no/ /de bzhin du chos kyi sku yang nyon
169a₄ mongs pa dang / sdug bsngal sna tshogs 'dus pa spangs nas/ bag chags ma lus par bsal te/ sangs rgyas kyi ngo bo nyid rnam par dag pa nyid snang bar gyur pa yin gyi/ dngos po med par gyur pa nyid ni ma yin no/ /yang dper na nam mkha' la du ba dang / sprin dang / rdul
169a₅ dang / na bun gyis bsgribs pa de med par gyur na/ nam mkha'i khams de rnam par dag par gyur pa yin gyi/ nam mkha' de nyid med par gyur pa ni ma yin no/ /de bzhin du chos kyi sku nyon mongs pa thams cad zad pa'i phyir rnam par dag pa zhes bya'i/ sku nyid med par gyur pa ni ma
169a₆ yin no/ /gzhan yang dper na 'ga' zhig gnyid log pa'i rmi lam na chu chen pos khyer nas/ lus dang rkang lag bskyod de/ lus dang sems 'bad pa dang bcas pas pha rol gyi 'gram du phyin pa rmi'o/ /rmi lam de las sad pa dang / chu dang phan tshun gyi 'gram tha dad par yod
169a₇ pa mthong ba med kyang / sems nyid med pa ni ma yin no/ /'khor bar rnam par rtog pa zad pa yang blo rnam par dag pa ste/ sangs rgyas pa de med pa yang ma yin no/ /de bzhin du chos kyi dbyings la rnam par rtog pa thams cad mi skye ba'i phyir rnam par dag pa zhes bya ste/ sangs

_{iiif viewer powered by OpenSeadragon}

168b - 169b

Texts on this page