| e-texts navigator |
| བོད་ཡིག |
168b1 gdu bu la sogs pa/ rgyan rnam pa sna tshogs pa yid bzhin du bsgyur te/ spyad kyang gser gyi rang bzhin nyid ni mi 'gyur ro/ /rigs kyi bu gzhan yang rigs kyi bu'am/ rigs kyi bu mo gang 'jig rten gyi dge bar spyod par mos pa des/ de bzhin
168b2 gshegs pa'am/ de bzhin gshegs pa'i 'khor de dag mthong ste/ nye bar bsnyen nas de la 'di skad ces gsol to/ /bcom ldan 'das dge ba ni gang / mi dge ba ni gang / yang dag pa'i bsgrub pa gang bgyis pas/ rnam par dag pa'i spyod pa thob par 'gyur/ sangs rgyas bcom ldan 'das rnams
168b3 dang / de'i 'khor dag gis de skad ces 'dri ba la 'di snyam du dgongs te/ rigs kyi bu dang rigs kyi bu mo 'di dag ni/ dam pa'i chos nyan par mos pa dang / rnam par byang bar 'dod pa ste/ 'di dag la yang dag pa'i chos bstan to snyam mo/ /de thos nas kyang tshul bzhin
168b4 du yid la bya ste/ nan tan gyis bsam pa skyes shing / brtson par gyur pa'i mthus/ le lo'i sgrib pa dang / sdig pa mi dge ba'i chos thams cad bsal te/ bslab pa'i gnas thams cad la rab tu gus par gnas shing / sems bying ba dang / rgod pa dag bsal te sa dang
168b5 po la 'jug go/ /sa dang po'i sems la brten nas/ sems can mang po'i don la brtson pa la sgrib pa spangs pas/ sa gnyis pa la 'jug go/ /sa de las nyon mongs pa'i sgrib pa spangs nas/ sa gsum pa la 'jug go/ /sa de las sems rnam par sbyong ba la sgrib pa spangs
168b6 nas/ sa bzhi pa la 'jug go/ /sa de las thabs mkhas pa'i sgrib pa spangs nas/ sa lnga pa la 'jug go/ /sa de las don dam pa dang kun rdzob tu dmigs pa'i sgrib pa spangs nas/ sa drug pa la 'jug go/ /sa de las mtshan ma dang spyod pa la dmigs pa'i sgrib pa spangs nas/ /
168b7 sa bdun pa la 'jug go/ /sa de las mtshan ma 'gog par yang mi dmigs pa'i sgrib pa spangs nas/ sa brgyad pa la 'jug go/ /sa de las mtshan ma skye bar yang mi dmigs pa'i sgrib pa spangs nas/ sa dgu pa la 'jug go/ /sa de las drug pa mngon par shes pa'i sgrib pa
iiif viewer powered by OpenSeadragon
Texts on this page
D556 - 'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo