rKTs

e-texts navigator

Volume

Page

168a₁ cad dang / byams pa chen po dang / snying rje chen po dang / gzungs thams cad dang / mngon par shes pa thams cad dang / dbang thams cad dang / mnyam pa nyid kyi chos thams cad 'dzin pa la sogs pa/ sangs rgyas kyi chos thams cad mngon par 'byung ngo / /
168a₂ ye shes chen po la brten pas ni stobs bcu dang / mi 'jigs pa bzhi dang / so so yang dag par rig pa bzhi la sogs pa ma 'dres pa'i chos brgya brgyad cu dang / rmad du byung ba thams cad dang / bsam gyis mi khyab pa'i chos thams cad mngon du 'gyur ro/ /'di lta ste dper na/
168a₃ yid bzhin gyi nor bu rin po che la brten nas rin po che rnam pa sna tshogs tshad med grangs med pa thams cad snang bar 'gyur ro/ /de bzhin du ting nge 'dzin chen po'i rin po che dang ye shes chen po'i rin po che la brten pas sangs rgyas thams cad kyi dam pa'i chos rnam pa sna tshogs tshad med grangs med pa
168a₄ mngon du 'byung bar 'gyur ro/ /rigs kyi bu de ltar na chos kyi sku dang / ting nge 'dzin dang / ye shes ni mtshan ma thams cad las yang dag par 'das pa/ mtshan mas mi gos pa/ rnam par mi rtog pa/ rtag pa'ang ma yin/ chad pa'ang ma yin pa ste/ de ni dbu ma'i lam sgrub
168a₅ pa zhes bya'o/ /rnam par rtog pa yod par snang yang / ngo bo nyid la ni rnam par rtog pa yang med/ gsum du bgrang ba yang yod mod kyi/ dngos po gsum du'ang med do/ /'phel ba dang 'grib pa med pa de ni rmi lam dang sgyu ma lta bu ste/ gzung ba yang med/ 'dzin pa yang med
168a₆ do/ /chos kyi ngo bo'i de bzhin nyid ni rnam par grol ba'i gnas te/ 'chi bdag gi spyod yul las yang dag par 'das pa/ 'khor ba'i mun pa las mngon du rgal ba/ skye bo thams cad kyis bsgrub par mi nus pa/ mthar phyin par mi nus pa/ sangs rgyas dang / byang chub
168a₇ sems dpa' thams cad kyis bzhugs par bya ba'i gnas so/ /rigs kyi bu dper na/ gang la la zhig gser 'dod de/ gnas kun du btsal ba las gser gyi sbram bu rnyed nas sbram bu de zhib tu btags te/ snying po bzhu zhing sbyangs nas rnam par byang bar gyur pa dang / gser de

_{iiif viewer powered by OpenSeadragon}

167b - 168b

Texts on this page