| e-texts navigator |
| བོད་ཡིག |
164a1 kyis nan tan du bsgrub cing g.yel ba med par bya'o/ /de nas byang chub sems dpa' mdzes pa'i tog gis/ bcom ldan 'das mya ngan las mi 'da' ba'i don dang / bzod pa zab mo bstan pa/ bcom ldan 'das la mngon du thos nas/ thal mo sbyar ba
164a2 btud de/ 'di skad ces gsol to/ /deng gzod bdag gis de bzhin gshegs pa ston pa chen po mya ngan las mi 'da' ba dang / ring bsrel 'jig rten du bzhag cing / sems can rnams la phan pa rgya cher mdzad pa/ 'di 'tshal bar gyur nas/ lus dang sems dga' zhing
164a3 rangs pa ngo mtshar du gyur to/ /de bzhin gshegs pa'i sku tshe'i tshad 'di bstan pa na/ grangs med dpag tu med cing mtha' yas pa'i sems can de dag thams cad bla na med pa yang dag par rdzogs pa'i byang chub tu sems skyes so/ /de bzhin gshegs pa de dag kyang mi snang
164a4 bar gyur nas/ byang chub sems dpa' mdzes pa'i tog kyang stan las langs nas/ bcom ldan 'das kyi zhabs la phyag 'tshal te/ slar yang rang gi gnas de nyid du 'dug go/ /gser 'od dam pa mdo sde'i dbang po'i rgyal po las/ de bzhin gshegs pa'i sku tshe'i tshad bstan
164a5 pa zhes bya ste le'u gnyis pa'o/ / //de nas byang chub sems dpa' sems dpa' chen po nam mkha'i snying po 'khor 'dus pa de'i nang nas stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te thal mo sbyar nas/
164a6 bcom ldan 'das kyi zhabs gnyis la phyag 'tshal te/ gser dang rin po che'i me tog dang / rin po che'i rgyal mtshan dang / gdugs dam pas mchod pa byas nas/ bcom ldan 'das la 'di skad ces gsol to/ /byang chub sems dpa' sems dpa' chen po de
164a7 bzhin gshegs pa rnams kyi dgongs pa shin tu zab pa de/ tshul bzhin ji ltar bsgrub par bgyi zhes gsol pa dang / bcom ldan 'das kyis bka' stsal pa/ rigs kyi bu legs par rab tu nyon la yid la zung shig dang / khyod la de'i don rnam par phye ste bstan par
iiif viewer powered by OpenSeadragon
Texts on this page
D556 - 'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo