| e-texts navigator |
| བོད་ཡིག |
163b1 pa de ni de bzhin gshegs pa rnams kyi spyod pa'o/ /de bzhin gshegs pa ni chos 'ga' tsam yang mi mkhyen pa'am/ thugs su ma chud pa mi mnga' ba dang / gnas thams cad du me long lta bu'i ye shes mngon du gyur pas/ rnam par mi rtog mod kyi/ de bzhin gshegs
163b2 pas sems can 'di dag gi las dang spyod pa la gzigs nas/ de dag gi bsam pa dang mthun par sbyor bas/ thabs kyis 'dren cing 'khor ba las sgrol ba de ni de bzhin gshegs pa rnams kyi spyod pa'o/ /de bzhin gshegs pas sems can gang dag phyug cing dar ba gzigs
163b3 na yang dgyes pa mi skye/ rgud pa dang dma' ba gzigs na yang thugs ngal mi mdzad mod kyi/ de bzhin gshegs pa sems can de dag yang dag pa'i spyod pa sgrub pa gzigs nas/ thogs pa med pa'i thugs rje chen pos skyob par mdzad do/ /sems can la la log par spyod
163b4 pa gzigs na yang / chags pa med pa'i thugs rje chen pos skyob cing 'dzin pa de ni de bzhin gshegs pa rnams kyi spyod pa'o/ /rigs kyi bu 'di ni de bzhin gshegs pa dgra bcom pa yang dag par rdzogs pa'i sangs rgyas rnams kyi yang dag pa'i spyod pa mtha' med par
163b5 bstan pa dang / mya ngan las 'das pa yang dag pa bden pa'i mtshan nyid du 'du shes par gyis shig /skabs gzhan dag tu mya ngan las 'da' ba dang / ring bsrel 'jig rten du bzhag ces bya ba de ni thabs mkhas pa bstan pa ste/ sems can rnams kyi mchod
163b6 pa dang / rim gro byed pa de dag kyang de bzhin gshegs pa'i thugs rje dang dge ba'i rtsa ba'i mthu yin par blta bar bya'o/ /de la gang zhig mchod pa dang / rim gro byed pa de ni/ ma 'ongs pa'i dus na/ mi khom pa brgyad yongs su spangs te/ de bzhin gshegs pa
163b7 rnams dang phrad cing / dge ba'i bshes gnyen dang ldan pa dang / byang chub kyi sems mi gtong ba dang / bsod nams dpag tu med pa 'phel ba dang / 'khor ba las myur du 'da' zhing 'khor ba'i 'ching bas glags par mi 'gyur ba'i spyod pa dam pa 'di yin pas/ khyed
iiif viewer powered by OpenSeadragon
Texts on this page
D556 - 'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo