rKTs

e-texts navigator

Volume

Page

163a₁ 'dab tu gshegs shing / rgyal po dang / blon po dang / bram ze dang / rgyal rigs dang / rje'u rigs dang / dmangs rigs la sogs pa'i khyim du bsod snyoms blang ngo snyam du mi dgongs mod kyi/ sngon gyi sku dang / gsung dang / thugs kyi spyod
163a₂ pa la goms pa'i mthus/ lhun gyis grub par bsod snyoms la gshegs shing phan pa'i don mdzad pa de ni/ de bzhin gshegs pa rnams kyi spyod pa'o/ /de bzhin gshegs pa'i sku la sbrebs pa dang skyems pa yang mi mnga'/ bshang gci dang / sku nyam chung ba yang
163a₃ mi mnga' bar bsod snyoms len par snang yang / de la gsol ba yang med/ de'i rnam par rtog pa yang mi mnga' mod kyi/ sems can la phan gdags pa'i phyir/ bsod snyoms gsol bar yang snang ba de ni/ de bzhin gshegs pa'i spyod pa lhun gyis grub
163a₄ pa'o/ /gang de bzhin gshegs pas sems can 'di dag gi dbang po rab dang / 'bring dang / tha ma ji lta ba bzhin du chos bstan to snyam du mi dgongs mod kyi/ sangs rgyas bcom ldan 'das kyis so so'i dbang po dang snod ji lta bu yin pa rtog pa mi mnga' bar rab tu
163a₅ mkhyen cing / de dag la chos ston pa de ni de bzhin gshegs pa rnams kyi spyod pa'o/ /de bzhin gshegs pas sems can 'di dag ni/ gus pa med pa rtag tu tshig rtsub pos ngan du smra ba yin pas/ 'di dag dang / lhan cig mi smra'o/ /sems can 'di dag ni nga
163a₆ la rtag tu gus par byed pa/ bstod cing snyan par smra ba yin pas/ 'di dag dang lhan cig smra bar bya'o zhes de bzhin gshegs pa mi dgongs te/ byams pa dang / thugs rjes mnyam par dgongs shing gnyis su med pa de ni de bzhin gshegs pa rnams kyi spyod pa'o/ /
163a₇ sangs rgyas bcom ldan 'das rnams la byams sdang dang / nga rgyal dang / 'dod pa dang / ser sna la sogs pa'i nyon mongs pa mi mnga' mod kyi/ de bzhin gshegs pa ni rtag par dben pa la dgyes shing / 'du 'dzi thams cad spangs te/ 'dod pa chung ba la bsngags pa mdzad

_{iiif viewer powered by OpenSeadragon}

162b - 163b

Texts on this page