| e-texts navigator |
| བོད་ཡིག |
162b1 ba dang dpag pa mi mnga' bas de'i phyir/ mya ngan las 'das pa zhes bya ba dang / de bzhin gshegs pas sems can dang / chos kyi rang bzhin kun stong pa dang / stong pa de las gzhan pa la'ang yod pa ma yin pa dang / stong pa'i rang bzhin de nyid yang dag pa'i chos
162b2 kyi sku yin pas de'i phyir/ de la mya ngan las 'das pa zhes bya ste/ rigs kyi bu chos bcu po de dag gis ni mya ngan las 'das pa zhes bya'o/ /gzhan yang rigs kyi bu de bzhin gshegs pa mya ngan las mi 'da' ba de 'ba' zhig ngo mtshar che ba ma yin gyis/ gzhan yang
162b3 ngo mtshar du bya ba chos rnam pa bcu yod pa/ de ni de bzhin gshegs pa rnams kyi spyod pa'o/ /bcu gang zhe na/ 'di lta ste/ 'khor ba ni skyon dang ldan pa mya ngan las 'das pa ni zhi zhing dben pa yin na/ 'khor ba dang mya ngan las 'das pa de gnyis mnyam par mkhyen pas/
162b4 'khor ba la yang mi gnas/ mya ngan las 'das pa la yang mi bzhugs shing / gang sems can rnams kyi don la mi skyo ba de ni/ de bzhin gshegs pa rnams kyi spyod pa'o/ /de bzhin gshegs pas byis pa so so'i skye bo phyin ci log tu spyod pa dang / nyon mongs pa
162b5 sna tshogs kyis glags par gzigs kyang 'di dag rnam par grol bar bya'o/ /snyam du mi dgongs mod kyi/ sngon gyi thugs rje dang / dge ba'i rtsa ba'i mthus sems can 'di dag so so'i dbang po dang / rang bzhin can dang / bsam pa ci la mos pa rtog pa mi mnga'
162b6 bar lhun gyis grub pa'i tshul gyis/ phyi ma'i mthar thug pa med par phan 'dogs shing / ston pa de ni de bzhin gshegs pa rnams kyi spyod pa'o/ /de bzhin gshegs pas sems can rnams la gsung rab yan lag bcu gnyis rgyas par bstan pas/ phan gdags
162b7 so snyam du mi dgongs mod kyi/ sngon gyi thugs rje dang / dge ba'i rtsa ba'i mthus sems can 'di dag la phyi ma'i mthar thug pa med par chos rgyas par ston pa de ni/ de bzhin gshegs pa rnams kyi spyod pa'o/ /de bzhin gshegs pa grong dang / grong khyer dang / grong
iiif viewer powered by OpenSeadragon
Texts on this page
D556 - 'phags pa gser 'od dam pa mdo sde'i dbang po'i rgyal po zhes bya ba theg pa chen po'i mdo