rKTs

e-texts navigator

Volume

Page

161b₁ pa zhes bya ba dang / nyon mongs pa dang / nye ba'i nyon mongs pa dag blo bur nyid du gzigs shing / gang chos nyid de ni gnas pa ste/ 'gro ba dang 'ong ba med par sangs rgyas bcom ldan 'das kyis mngon du gyur pa'i phyir/ mya ngan las 'das pa zhes bya ba dang / yang
161b₂ dag pa ni bden pa ste/ de las gzhan pa ni pa'o/ /gang bden pa de nyid ni yang dag pa ste/ yang dag pa nyid ni de bzhin gshegs pa nyid pas/ de la mya ngan las 'das pa zhes bya ba dang / yang dag pa'i mtha' nyid ni spros pa med pa/ de bzhin gshegs pa
161b₃ nyag gcig gis yang dag pa'i mtha' mngon du gyur cing / spros pa nye bar zhi ba de nyid la mya ngan las 'das pa zhes bya ba dang / mi skye ba ni bden pa/ skye ba ni pa yin pas/ byis pa so so'i skye bo rnams ni 'khor ba'i 'dam du bying ba/ de bzhin gshegs
161b₄ pa'i sku ni bden pa yang dag pa ma yin pa med pa'i phyir/ mya ngan las 'das pa zhes bya ba dang / yang dag pa ma yin pa'i chos ni rkyen las skye ba/ yang dag pa bden pa'i chos ni rkyen gyis bskyed pa ma yin pa/ de bzhin gshegs pa chos kyi sku yang yang dag pa/
161b₅ bden pa nyid yin pas de la mya ngan las 'das pa zhes bya'o/ /gzhan yang rigs kyi bu byang chub sems dpa' sems dpa' chen po chos rnam pa 'di bcus ni/ de bzhin gshegs pa dgra bcom pa yang dag par rdzogs pa'i sangs rgyas rnams kyi yang dag pa dang /
161b₆ bden pa'i tshul rtogs pas/ mya ngan las 'das pa chen por shes par 'gyur ro/ /bcu gang zhe na/ 'di lta ste/ de bzhin gshegs pas sbyin pa dang / sbyin pa'i 'bras bu la bdag dang / bdag gir bya ba med par rab tu shes pas sbyin pa de dang / de'i 'bras
161b₇ bu la log pa'i rnam par rtog pa yongs su spangs pas/ mya ngan las 'das pa zhes bya ba dang / de bzhin gshegs pas tshul khrims dang / tshul khrims kyi 'bras bu la bdag dang bdag gir bya ba med par rab tu shes pas/ tshul khrims de dang de'i 'bras bu la log

_{iiif viewer powered by OpenSeadragon}

161a - 162a

Texts on this page