rKTs

e-texts navigator

Volume

Page

160b₁ ba btud nas/ 'di skad ces gsol to/ /bcom ldan 'das de ltar sangs rgyas bcom ldan 'das de dag mya ngan las mi 'da' la/ ring bsrel 'jig rten du bzhag pa yang ma mchis na/ ci'i slad du mdo sde dag las sangs rgyas mya ngan las 'da' zhing / ring bsrel
160b₂ 'jig rten du bzhag pa la lha dang mis gus pa dang bcas/ bkur sti dang bcas pas 'das pa'i sangs rgyas bcom ldan 'das rnams kyi ring bsrel 'jig rten du bzhag pa la lha dang mir bcas pa'i 'jig rten gyis mchod pa byas na/ bsod nams dpag tu med pa
160b₃ 'thob po zhes kyang gsungs la/ da 'dir ni de dag med do zhes kyang gsungs pa de ji lta bu lags/ bcom ldan 'das thugs brtse bas rnam par dbye zhing bshad par gsol/ de nas bcom ldan 'das kyis byang chub sems dpa' sems dpa' chen po mdzes pa'i tog
160b₄ la sogs pa'i 'khor 'dus pa de dag la bka' stsal pa/ bcom ldan 'das mya ngan las 'das te/ ring bsrel 'jig rten du bzhag ces gsungs pa yang dgongs pa'i don du bstan par shes par bya'o/ /rigs kyi bu byang chub sems dpa' sems dpa' chen po chos
160b₅ 'di bcus de bzhin gshegs pa dgra bcom pa yang dag par rdzogs pa'i sangs rgyas kyis yang dag pa dang / bden pa'i tshul du mya ngan las 'das pa chen po yod par gsungs par shes par bya'o/ /bcu gang zhe na/ 'di lta ste/ de bzhin gshegs pa rnams
160b₆ kyis nyon mongs pa'i sgrib pa dang / shes bya'i sgrib pa yongs su spangs pas mya ngan las 'das pa zhes bya ba dang / de bzhin gshegs pa rnams kyis gang zag la bdag med pa dang / chos la bdag med pa mngon du mkhyen pas mya ngan las 'das pa zhes bya ba dang / lus
160b₇ kyi gnas dang / chos kyi gnas su gyur pas mya ngan las 'das pa zhes bya ba dang / sems can rnams 'dul ba'i mdzad pa lhun gyis grub pa'i phyir mya ngan las 'das pa zhes bya ba dang / yang dag pa nyid mngon du gyur pas mtshan nyid tha dad pa med pas chos kyi skur mnyam

_{iiif viewer powered by OpenSeadragon}

160a - 161a

Texts on this page