rKTs

e-texts navigator

Volume

Page

157a₁ pa ste/ /de phyir bdag nyid chen po de'i/ /sku tshe'i tshad grangs mi rnyed de/ /bskal pa 'di snyed cig ce 'am/ /grangs med pa yang de bzhin te/ /de bas the tsom med par 'gyur/ /the tsom cung zad ma za shig /rgyal ba'i sku tshe'i tha ma yi/ /grangs ni
157a₂ gang du'ang mi dmigs so/ /de nas byang chub sems dpa' mdzes pa'i tog gis/ bcom ldan 'das shAkya thub pa'i sku tshe'i tshad bshad pa de thos nas/ sangs rgyas bcom ldan 'das de dag la 'di skad ces gsol to/ /ji ltar na bcom ldan 'das shAkya thub pa de bzhin
157a₃ gshegs pas/ de ltar sku tshe'i tshad thung bar bstan par gyur ces de skad ces gsol ba dang / sangs rgyas bcom ldan 'das de dag gis/ byang chub sems dpa' mdzes pa'i tog la 'di skad ces bka' stsal to/ /bcom ldan 'das shAkya thub pa de bzhin gshegs pa de
157a₄ ni snyigs ma rnam pa lnga'i 'jig rten du skye dgu'i tshe'i tshad lo brgya thub pa'i dus su bltams nas/ sems can mos pa dman pa/ dge ba'i rtsa ba dang / dad pa chung ba'i sems can de dag bdag tu lta ba dang / sems can du lta ba dang / srog tu lta ba dang / gso bar lta
157a₅ ba dang / gang zag tu lta ba dang / log par lta ba dang / bdag dang bdag gir 'dzin pa dag dang / rtag pa dang chad par lta ba la sogs pa'i byis pa so so'i skye bo rnams la phan gdags pa dang / gzhan yang mu stegs can rnams la yang dag pa'i lta ba bskyed pas myur
157a₆ du bla na med pa'i byang chub thob par bya ba'i phyir/ de bzhin gshegs pa shAkya thub pa des sku tshe'i tshad thung ba bstan to/ /gzhan yang rigs kyi bu de bzhin gshegs pa de mya ngan las 'da' ba bstan pas/ sems can rnams de la dkon pa dang phrad par dka' ba'i 'du
157a₇ shes dang / mya ngan dang / sdug bsngal gyi 'du shes la sogs pa bskyed pas/ sangs rgyas bcom ldan 'das kyis gsungs pa'i mdo 'di dag myur du 'dzin pa dang / 'chang ba dang / klog pa dang / kun chub par byed pa dang / gzhan dag la yang rgya cher yang dag par ston pa la

_{iiif viewer powered by OpenSeadragon}

156b - 157b

Texts on this page