rKTs

e-texts navigator

Volume

Page

156a₁ sgra yang byung ngo / /sangs rgyas kyi mthus stong gsum gyi stong chen po'i 'jig rten gyi khams 'dir sems can thams cad kyang lha'i bde ba dang ldan par gyur te/ sems can dbang po ma tshang ba rnams ni/ dbang po thams cad dang ldan par gyur/ sems
156a₂ can dmus long rnams ni mig gis gzugs rnams mthong / sems can 'on pa dag gis ni rna bas sgra rnams thos/ sems can smyon pa dag ni dran pa so sor rnyed/ sems can sems rnam par g.yengs pa dag ni sems rnam par mi g.yeng bar gyur/ sems can sgren mo rnams
156a₃ ni gos bgos par gyur/ sems can bkres pa dag ni lto 'grangs par gyur/ sems can skom pa rnams ni skom dang phrad par gyur/ sems can nad kyis btab pa dag ni nad dang bral bar gyur/ sems can dbang po nyams pa dag ni dbang po rnams tshang bar gyur te/ 'jig
156a₄ rten du ngo mtshar rmad du byung ba'i chos rnams rgya cher byung bar gyur to/ /de nas byang chub sems dpa' mdzes pa'i tog gis sangs rgyas bcom ldan 'das de dag mthong nas ngo mtshar rmad du gyur te/ de tshim zhing mgu la yi rangs shing rab tu dga' ste/ dga' ba dang / yid
156a₅ bde ba skyes nas/ sangs rgyas bcom ldan 'das de dag ga la ba de logs su thal mo sbyar ba btud nas/ sangs rgyas bcom ldan 'das de dag rnams las rjes su dran la/ bcom ldan 'das shAkya thub pa'i yon tan rjes su dran zhing / bcom ldan 'das shAkya thub pa'i sku
156a₆ tshe'i tshad la the tshom za bar gyur te/ bcom ldan 'das shAkya thub pa 'di ltar lo brgyad cu zhig thub ste/ sku tshe thung ba 'di ji lta bu 'di ci zhig snyam du bsam pa de sems shing 'dug par gyur to/ /de nas sangs rgyas bcom ldan 'das de dag dgongs shing mkhyen bzhin du/ byang
156a₇ chub sems dpa' mdzes pa'i tog de la 'di skad ces bka' stsal to/ /rigs kyi bu khyod 'di snyam du/ bcom ldan 'das shAkya thub pa 'di ltar sku tshe thung ngo snyam du ma sems shig /de ci'i phyir zhe na/ rigs kyi bu de bzhin gshegs pa dgra bcom pa yang dag par rdzogs pa'i

_{iiif viewer powered by OpenSeadragon}

155b - 156b

Texts on this page