| e-texts navigator |
| བོད་ཡིག |
148b1 ci gsung yang rung ste/ rtag par sems can gyi don du 'gyur bar mdzad pas don ma mchis par mi gsung ba/ shAkya'i rigs kyi nang nas seng ge chen por gyur pas rab tu brtan zhing dpa' ba/ rnam par thar pa brgyad phun sum tshogs par gyur
148b2 pa la phyag 'tshal lo/ /deng bdag gi nyams kyis ji tsam lcogs pa'i rjes su de bzhin shegs pa'i yon tan gyi phyogs las cung zad tsam zhig bsngags pa brjod pa ni 'di lta ste/ dper na sbrang bus rgya mtsho chen po'i chab 'tshal ba dang 'dra yang bsod nams de'i
148b3 dbang gis sems can thams cad 'khor ba gtan du spangs nas bla na ma mchis pa'i lam mngon par grub par smon to/ /de nas bcom ldan 'das kyis lha mo spobs pa chen mo la bka' stsal pa/ khyod kyis yun ring po nas bsgoms pas spobs pa chen po dang ldan
148b4 par gyur nas/ deng nga'i yon tan rgya cher bsngags pa brjod pa legs so legs so/ /'di'i dbang gis khyod myur du bla na med pa'i chos kyi sgo mo mngon par rtogs nas mtshan dang dpe byad bzang po phun sum tshogs par gyur te/ thams cad la rgya cher
148b5 phan 'dogs par 'gyur ro/ /gser 'od dam pa mchog tu rnam par rgyal ba mdo sde'i rgyal po las lha mo spobs pa chen mos bsngags pa brjod pa'i le'u ste sum cu pa'o// //de nas bcom ldan 'das kyis byang chub sems dpa' tshad med pa
148b6 snyed rnams dang / lha dang / mi rnams dang / 'khor mang po thams cad la bka' stsal pa/ khyed kyis 'di ltar rig par bya ste/ ngas bskal pa chen po tshad med grangs med pa nas nan tan brtson 'grus kyis dka' ba spyad de thob pa'i chos shin
148b7 tu zab pa byang chub kyi rgyu yang dag pa gang yin pa de ni khyed la yang dag par bstan zin na/ khyed cag las su zhig rab tu brtul ba'i sems bskyed nas nga yongs su mya ngan las 'das pa'i 'og tu chos kyi rnam grangs 'di gus pas yongs su bsrungs nas
iiif viewer powered by OpenSeadragon
Texts on this page
D555 - 'phags pa gser 'od dam pa mchog tu rnam par rgyal ba'i mdo sde'i rgyal po theg pa chen po'i mdo