rKTs

e-texts navigator

Volume

Page

147b₁ mthong bar mos/ /bdag ni rtag tu gus sems bskyed pas na/ /rtag par de bzhin gshegs pa'i gdugs dang mjal/ /bdag ni rtag tu bcom ldan phyag bgyis nas/ /rtag par zhal lta sems kyis mi spong smon/ /rab tu gdung sems bar chad
147b₂ ma mchis par/ /rtag par rim gro bgyis kyang skyo mi bgyid/ /bcom ldan thugs rje'i thugs ni rab bskyed nas/ /mdangs ldan zhal ni bdag gis rtag mthong mdzod/ /bcom ldan nyan thos dge 'dun rnam dag pas/ /rtag par lha mi dag ni bsgral
147b₃ bar smon/ /sku ni rang bzhin rnam dag nam mkha' 'dra/ /sgyu ma smig rgyu chab kyi zla ba mtshungs/ /bdud rtsi mya ngan 'das pa'i chos bshad nas/ /yon tan phung po thams cad skyed par smon/ /bcom ldan rnam dag spyod yul byams pa dang / /thugs
147b₄ rje yang dag spyod yul bsam mi khyab/ /nyan thos rang rgyal gzhal bar mi 'gyur zhing / /drang srong byang chub sems dpas dpog mi 'gyur/ /de bzhin gshegs pas bdag la thugs brtse nas/ /thugs rje chen po'i sku ni rtag mthong smon/ /
147b₅ las gsum ngal med byams gtso mchod nas ni/ /myur du nges 'byung yang dag mtha' phyogs smon/ /de nas bcom ldan 'das kyis de skad ces bsngags pa brjod pa gsan pa dang / /tshangs pa'i dbyangs kyis shing gi lha mo la bka' stsal pa/ /rigs
147b₆ kyi lha mo khyod kyis nga'i yang dag pa'i mi pa'i chos kyi sku rnam par dag pa'i bsngags pa brjod nas bdag dang gzhan la phan gdag pa'i phyir mtshan mchog gya nom pa yang dag par bsgrags pa legs so legs so/ /bsod nams 'dis khyod myur du bla na med
147b₇ pa yang dag par rdzogs pa'i byang chub mngon par rdzogs par 'tshang rgya bar 'gyur zhing sems can thams cad mtshungs par rnal 'byor bsgom par 'gyur la/ gang gis thos pa de dag thams cad kyang bla na med pa'i bdud rtsi'i chos kyi sgor 'jug par 'gyur ro/ /

_{iiif viewer powered by OpenSeadragon}

147a - 148a

Texts on this page