rKTs

e-texts navigator

Volume

Page

143b₁ bltas kyang ci ma mthong / /stag mo mthong ba'i nags stong du/ /ma dang bu bdun bcas par ni/ /thams cad khrag gis kha bskus dang / /rus pa lhag ma skra rnams ni/ /sa la kun du 'thor ba mthong / /gzhan yang khrag ni zags pa rnams/ /'od ma'i tshal kun sbags pa
143b₂ dag / phu bo gnyis kyis mthong nas ni/ /sems la 'jigs skrag chen po skyes/ /gnyi ga brgyal nas sa la 'gyel/ /'khrugs myos ci yang mi dran pas/ /sa rdul dag gis lus kun gos/ /rnam shes drug ni dran pa nyams/ /rgyal bu g.yog ni mang po rnams/ /cho nge sems
143b₃ la mya ngan skyes/ /chus gtor dran pa thob nas kyang / /lag bteg skad cher phyung ste ngus/ /byang chub sems dpas lus btang tshe/ /byams pa'i ma ni pho brang na/ /bud med lnga brgya rnams dang ni/ /lhan cig longs spyod myong ba las/ /btsun mo dam pa'i nu ma gnyis/ /rang gi nu zho
143b₄ zags gyur pas/ /lus kun khab kyis phug pa bzhin/ /shin tu sdug bsngal rab mi bde/ /bu stor 'du shes skyes pas na/ /mya ngan zug rngu sems la zug /rgyal po chen po shes byas nas/ /sdug bsngal dngos po de dag bshad/ /cho nges sme ba mi bzod pas/ /brtse ba'i skad
143b₅ kyis rgyal po la/ /rgyal po chen po mkhyen par mdzod/ /deng bdag sdug bsngal chen po skyes/ /nu zho gnyis ni rang byung pas/ /bkag kyang bsam pa bzhin ma grub/ /khab kyis lus kun phug pa bzhin/ /mya ngan brang ni gas la thug/ /bdag gi g.yar lam snga ltas ngan/ /nges
143b₆ par bu sdug stor bar gyur/ /lhas ni bdag gi srog skyobs la/ /bu ni gum gson mkhyen par mdzod/ /g.yar lam phug ron gsum mthong ba/ /chung ngu de ni bu sdug lags/ /khras ni phrogs te 'tshal bas ni/ /mya ngan rdzogs par gsol bar dka'/ /deng bdag mya ngan mtshor
143b₇ bying bas/ /'chi bar 'gyur ba ring mi thogs/ /bu srog mi gson blo ba chung / /myur ba nyid du btsal bar gsol/ /gzhan yang slad rol mi rnams las/ /bu chung ma rnyed thos pas na/ /deng bdag sems ni rab mi bde/ /lhas ni bdag la brtse bar mdzod/ /btsun mos de skad smras

_{iiif viewer powered by OpenSeadragon}

143a - 144a

Texts on this page