rKTs

e-texts navigator

Volume

Page

142a₁ phyogs kun du btsal ba las ring po ma lon par blon po chen po zhig nye bar mdun du 'ongs te rgyal po la 'di skad ces gsol to/ /lha rgyal bu mi bzhugs zhes thos pas thugs ngan mi mdzad du gsol/ rgyal bu tha ni da dung mi gda'
142a₂ lags so/ /rgyal pos tshig de thos pa dang smre sngags bton nas 'di skad du kyi hud nga'i bu yid du 'ong ba stor bar gyur to zhes smras par gyur to/ /dang po bu yod tshe na dga' ba chung / /phyis ni bu stor tshe na sdug bsngal che/ /gal te nga'i bu'i srog ni slar thob na/ /
142a₃ nga'i lus shi yang sdug bsngal ci yang med/ /btsun mos de skad thos pa dang / /dper na mdas phog pa bzhin du mya ngan gyis kun du dkris par gyur pas smre tshig 'di skad ces smras so/ /bdag gi bu gsum 'khor dang bcas par ni/ /nags tshal dong ste lhan cig rtse
142a₄ ba las/ /bu sdug tha gcig pu ma 'ongs pas/ /nges par 'bral ba'i ltas ngan dngos yod 'gyur/ /de'i 'og tu yang blon po 'bring po rgyal po'i drung du nye bar 'ongs pa la rgyal pos blon po de la bu sdug gang na 'dug ces smras pa las/ blon po 'bring pos de yid la
142a₅ gcags te ngus pas lkog ma dang lce yang skams nas tshig 'byin cing lan 'debs kyang ma nus pa dang btsun mos 'di skad ces dris so/ /bu chung da ltar gang na myur du smros/ /bdag gi lus kun rab tu bsregs par gyur/ /myos 'khrugs rmongs pas nang gi sems nyid stor/ /
142a₆ bdag gi brang ni de ring gas snyam byed/ /de nas blon po 'bring pos rgyal bus lus yongs su btang ba'i dngos po de dag zhib tu rgyal po la gsol te shes par byas pa dang / rgyal po dang / btsun mos gtam de thos nas smre zhing mchi mas brnangs bzhin du lus yongs su btang ba'i
142a₇ sa phyogs su myur zhing rings par dong ste/ 'od ma'i tshal byang chub sems dpas lus btang ba'i gnas su phyin nas rus pa rnams kun du 'thor ba mthong ba dang cig car sa la 'gyel te/ shi ba dang 'dra bar brgyal bar gyur pas dper na rlung drag pos ljon shing chen po bsgyel bzhin

_{iiif viewer powered by OpenSeadragon}

141b - 142b

Texts on this page