rKTs

e-texts navigator

Volume

Page

141b₁ khyer/ gnyis ni dngangs shing skrag par gyur pa dag mthong bar gyur to/ /sa g.yos pa'i tshe btsun mo sad de sems la mya ngan chen po skyes nas 'di skad du smras so/ /ci phyir deng ni sa chen rab tu g.yos/ /chu klung nags tshal ljon shing kun kyang 'gul/ /nyi
141b₂ ma'i 'od med g.yogs shing bsgribs pa 'dra/ /mig 'gul nu g.yo sngon chad yang mi 'dra/ /snying la mdas phog bzhin du sdug bsngal gzir/ /lus kun rab g.yo bde ba ci yang med/ /bdag gis rmi lam ltas ngan mthong bas na/ /nges par sngon
141b₃ med ltas ngan dngos po yod/ /btsun mo'i nu ma gnyis las zho zags pa dang 'di snyam du 'di ni gdon mi za bar ltas ngan kyi dngos po ston pa yin no snyam mo/ /de'i tshe nang 'khor ma zhig phyi rol gyi mi rnams rgyal bu btsal ba las da dung ma rnyed do zhes zer ba thos
141b₄ pa dang / sems la shin tu skrag cing 'jigs pa skyes pas pho brang gi nang du song ste btsun mo la 'di skad ces smras so/ /lha mo mkhyen lags sam slad rol gyi mi rnams las kun du so sor rgyal bu btsal ba las da dung ma rnyed ces mchi ba thos lags so/ /de nas
141b₅ btsun mo des tshig de skad smras pa thos pa dang / mya ngan chen po skyes pas smre sngags bton te/ mig mchi mas gang bzhin du rgyal po'i drung du phyin nas rgyal po la 'di skad ces gsol to/ /lha chen po bdag gis slad rol gyi mi rnams las 'di skad du bdag gi bu
141b₆ sdug tha stor ces mchi ba thos lags so/ /rgyal pos tshig de thos pa dang shin tu skrag par gyur pas brnangs bzhin du smre tshig 'di skad du kyi hud sdug bsngal lo/ /deng nga'i bu yid du 'ong ba stor bar gyur to zhes smras nas mchi ma phyis te/ btsun mo
141b₇ la spro ba bskyed nas 'di skad du bzhin bzang ma khyod mya ngan ma byed cig / ngas deng lhan cig phyir byung ste bu sdug btsal bar bya'o zhes smras nas/ rgyal po btsun mo dang / skye bo'i tshogs mang po dang lhan cig tu grong khyer nas phyir byung ste/ so sor gyes te

_{iiif viewer powered by OpenSeadragon}

141a - 142a

Texts on this page