| e-texts navigator |
| བོད་ཡིག |
73b1 gzungs sngags 'di ni rjod byed pa/ /de la rtag tu srung bar byed/ /de nas bcom ldan 'das kyis de skad ces bka' stsal nas/ tshe dang ldan pa kun dga' bo dang / nyan thos chen po de dag dang / 'phags pa byams pa dang / 'jam dpal la sogs pa byang chub sems dpa' sems
73b2 dpa' chen po rnams dang / rgyal po chen po bzhi dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// //'phags pa rig sngags kyi rgyal po sgron ma mchog gi gzungs
73b3 rdzogs so/ / @#/ /rgya gar skad du/ Ar+ya ma hA d+hA ra NI/ bod skad du/ 'phags pa gzungs chen po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/
73b4 bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na/ dge slong stong nyis brgya lnga bcu'i dge slong gi dge 'dun chen po dang thabs cig tu bzhugs te/ de'i tshe na tshe dang ldan pa kun dga' bo grong khyer gnas bcas su dbyar gnas nas dbyar zla
73b5 ba gsum 'das pa dang chos gos byas te/ chos gos zin nas lhung bzed dang chos gos thogs te/ bcom ldan 'das ga la ba der song nas phyin pa dang / bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas bcom ldan
73b6 'das kyis tshe dang ldan pa kun dga' bo la 'di skad ces bka' stsal to/ /kun dga' bo khyod kyis sems can thams cad kyi don dang / phan pa dang / bde ba dang / stobs dang / gzi brjid kyi phyir gzungs chen po'i gsang sngags kyi gzhi 'di dag zung shig /chong shig /long
73b7 shig / lhogs shig /kun chub par gyis shig /yid la zung shig /de ci'i phyir zhe na/ kun dga' bo gzungs chen po'i gsang sngags kyi gzhi rnams ni rnyed par dka' zhing / de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du
iiif viewer powered by OpenSeadragon
Texts on this page
D528 - 'phags pa rig sngags kyi rgyal po sgron ma mchog gi gzungs
D529 - 'phags pa gzungs chen po