rKTs

e-texts navigator

Volume

Page

289b₁ dag thams cad dga' zhing ba spu'i khung bu rnams g.yos par gyur to/ /lha'i me tog ut+pa la dang / pad+ma dang / ku mu da dang / pad+ma dkar po dang / man dA ra ba dang / man dA ra ba chen po'i char yang rab tu bab bo/ /lha'i sil snyan rnams kyang sgra 'byin to/ /
289b₂ 'khor gyi dkyil 'khor de dag thams cad kyi rang rang gi lus las kyang 'od zer byung bar gyur to/ /bcom ldan 'das kyi spyan sngar yang rin po che sna bdun gyi khang pa brtsegs ma bkra ba/ blta na sdug pa/ shin tu rnam par phye ba/ nyams dga' ba/ ka ba bzhi zug pa/ sgo
289b₃ bzhi btod pa/ them skas bzhi dang ldan pa/ 'od 'bar ba/ grwa bzhi na nor bu rin po che chen po bzhi nyi ma ltar 'od 'bar ba/ nor bu dang / rin po che dang / mu tig gi dra ba du ma dpyangs pa/ dril bu mang pos mdzes par byas pa/ dar gyi ba dan mang pos kun nas
289b₄ brgyan pa/ me tog sna tshogs du ma'i chun pos mdzes par byas pa zhig byung ngo / /sa 'di rnam pa drug tu rab tu g.yos te/ 'gul ldeg la sgra 'byin cing mtho ba dang dma' bar gyur to/ /lha'i gnas thams cad kyang 'od kyis snang bar byas te/ lha'i gnas na gnas pa thams
289b₅ cad bskul to/ /rgyal po chen po bzhi yang bskul to/ /rig sngags 'chang gi gnas thams cad kyang bskul te/ lha'i rigs thams cad kyang 'bar/ kun tu rab tu 'bar zhing me lce gcig tu gyur pa dang / bar chad byed pa'i log 'dren thams cad kyang dngangs skrag ste/
289b₆ cho nges 'debs shing phyogs bcur byer ro/ /de nas bcom ldan 'das kyi mdzod spu nas/ 'od zer rab tu bkye ste/ phyogs bcu'i 'jig rten gyi khams thams cad kun nas snang bar byas shing sangs rgyas kyi zhing thams cad snang bar byas te/ sangs rgyas bcom ldan
289b₇ 'das de rnams bskul nas slar dbu'i gtsug tu nub bo/ /de nas sangs rgyas bcom ldan 'das de rnams kyis de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la legs so zhes bya ba byin te/ bcom ldan 'das legs so legs so/ /

_{iiif viewer powered by OpenSeadragon}

289a - 290a

Texts on this page