rKTs

e-texts navigator

Volume

Page

288a₁ la 'di skad ces bka' stsal to/ /rigs kyi bu nga ni 'di nas shar phyogs logs su sangs rgyas kyi zhing tshad med pa gang gA'i klung gi bye ma dang mnyam pa'i sangs rgyas kyi zhing bye ba khrag khrig brgya stong 'das pa de na 'jig rten gyi khams nor bu'i sgron ma zhes bya ba
288a₂ grong khyer gyi kho ra khor yug tu dpag tshad bcu gnyis pa'i ra ba rin po che sna bdun las byas pa/ rgyas pa/ bde ba/ nyams dga' ba/ lo legs pa/ skye bo dang / mi mang pos gang ba/ skyes pa dang / bud med dang / khye'u dang / bu mo dang / skye bo'i tshogs thams
288a₃ cad rgyan thams cad kyis brgyan pa nyid snang zhing nor bu dang / gser 'bar ba'i mgo rgyan sna tshogs kyis mgo brgyan pa/ lha'i gzugs can/ mthu dang brtson 'grus chen po dang ldan pa/ bshes gnyen thams cad dang ldan pa/ rig pa'i gnas rtogs par khong du chud
288a₄ pa/ snang ba yod par 'gro'o/ /'jig rten gyi khams de na rgyal po nor bu sna tshogs zhes bya ba rgyal srid byed du 'jug ste/ blon po bye ba phrag brgyad cus yongs su bskor cing btsun mo dam pa gsal byed ma zhes bya ba bud med nyi khri'i 'khor can lha'i bu mo thams cad kyi lus
288a₅ la 'gran pa zhig yod do/ /'jig rten gyi khams de na yang me tog gi shing dang / 'bras bu'i shing dang / drang chu'i shing dang / dri'i shing gang yin pa de dag thams cad kyang rin po che sna bdun gyi rang bzhin yin no/ /chu las skyes pa'i me tog gang yin pa de dag thams
288a₆ cad kyang rin po che sna bdun gyi rang bzhin yin no/ /thang las skyes pa'i me tog gang yin pa de dag thams cad ni 'dzam bu chu bo'i gser gyi rang bzhin no/ /mi rnams kyi tshe'i tshad ni bskal pa brgyad khri thub ste/ thams cad kyang dge ba bcu'i las kyi lam dang ldan pa/ sangs
288a₇ rgyas dang / chos dang / dge 'dun la mngon par dad pa yin no/ /rgyal po de yang chos dang mthun pas rgyal srid skyong bar byed kyis chos dang mi mthun pas ni ma yin te/ sems can thams cad la phan pa'i bsam pa can yin no/ /'jig rten gyi khams de na yang

_{iiif viewer powered by OpenSeadragon}

287b - 288b

Texts on this page