rKTs

e-texts navigator

Volume

Page

163a₁ po'i dkyil 'khor gyi tshul gyis byang chub sems dpa'i gzugs nyid kyis bzhugs so/ /de nas bcom ldan 'das nam mkha'i snying po dbang bskur ba thams cad kyi rin po che rdo rje zhes bya ba'i ting nge 'dzin la snyoms par zhugs nas/ bsam pa
163a₂ thams cad yongs su rdzogs par byed pa/ nor bu rin po che'i dam tshig ces bya ba'i dkyil 'khor 'di gsungs so/ /phyi'i dkyil 'khor ni dang po'i dkyil 'khor gyi tshul du byas pa'i nang du rin po che zur brgyad pa rin po che'i ka ba brgyad la gnas pa dkyil 'khor brgyad pa'i tshul
163a₃ las/ rin po che'i lcug mas yongs su bskor ba rdo rje rin po che'i ra ba dang lcog dang / me tog gi phreng ba dang ba dan dang gdugs dang rnga yab kyis nye bar mdzes pa bri bar bya'o/ /de'i dbus su bcom ldan 'das rta'i khri la bzhugs pa dbang bskur ba'i phreng ba rang nyid 'ching
163a₄ bar mdzad cing zhal rnam par bzhad pa ma rgad kyi mdog can gzhag par bya'o/ /de'i mdun du byang chub sems dpa' de bzhin gshegs pa thams cad kyi dbang bskur ba'i rin po che zhes bya ba rdo rje rin po che'i cod pan 'dzin pa gzhag par bya'o/ /g.yas su rin po che chen po'i nor
163a₅ sbyin pa dbyig gi gter 'dzin pa gzhag par bya'o/ /rgyab tu chos chen po'i rin po che'i glegs bam 'dzin pa gzhag par bya'o/ /g.yon du rin po che chen po ro myong ba zas dang skom thams cad 'dzin pa gzhag par bya'o/ /mtshams rnams su mchod pa'i lha mo rnams rin po che'i
163a₆ gdugs dang rgyal mtshan dang rnga dang srog shing rnams 'dzin pa gzhag par bya'o/ /phyi rol gyimatshams su bum pa gang ba rnams so/ /sgo rnams su ni dbang bskur ba la sogs pa'i mtshan ma rnams gzhag par bya'o/ /phyi rol du ni gdugs dang rgyal mtshan dang ba dan dang bla re rnams
163a₇ kyis kun du khyab par bya'o/ /de nas de bzhin du rdo rje rin chen gyi phyag rgya 'dzin pas zhugs nas/ de nas brtsams te nor thams cad 'grub pa la sogs pa'i dngos grub thams cad thob par 'gyur ro/ /de nas zhugs nas kyang dbang bskur ba'i phreng ba bcings te/ rin po che

_{iiif viewer powered by OpenSeadragon}

162b - 163b

Texts on this page