| e-texts navigator |
| བོད་ཡིག |
150a1 gzugs brnyan mchod rten la sogs kyi/ /dngos grub dag ni ster bar byed/ /yid kyis cung zad gang bsams pa/ /skye dang skye bar 'grub par 'gyur/ /rgyan rnams ma lus pa yis ni/ /phyi nas bzo bo rnams la mchod/ /gang dag de la grogs byed
150a2 pa/ /gzhan dag kyang ni mchod par bya/ /de nas de dag thams cad la/ /dga' bas 'di dag brjod par bya/ /ji ltar gsungs pa'i mchod pa rnams/ /bdag la mthun pa'i nus pa med/ /de phyir bdag la khyed bzod mdzod/ /sngags kyi gtsang sbra bza' bca' dag /
150a3 gzugs brnyan dag la sbyin par bya/ /bde gshegs lhag ma 'di dag ni/ /zo zhig sdig pa 'byang bar 'gyur/ /zhes bya bas so/ /glang po rta glang shing rta nor/ /yon gyi dam pa dbul bar bya/ /de nas de la nan tan gyis/ /longs spyod g.yo ba dbul bar bya/ /
150a4 gal te lha nyid dgyes 'dod na/ /bla ma gus pas dgyes bya zhing / /de ltar rnam pa thams cad du/ /bla ma yang dag mnyes par bya/ /de nas yang dag brtul zhugs can/ /dge slong dge bsnyen dge slong ma/ /mchog tu gus pas mchod byas la/ /ji ltar 'os pa'i
150a5 yon yang dbul/ /dung dang rol mo'i sgra la sogs/ /bzang po'i glu dang gar rnams kyis/ /gnyen dang rigs rgyud 'khor rnams kyis/ /rol mo chen po mtshan mo dbul/ /de ltar thams cad byas zin nas/ /gang rung mchod sbyin dkyil 'khor la/ /phul lam 'bul
150a6 bar byed pa rnams/ /slob dpon la ni dbul bya yi/ /bzo bo la ni mi sbyin zhing / /dge slong rnams la'ang sbyin mi bya/ /slob dpon mchog gi lha yin te/ /nor rnams thams cad de la dbul/ /de nas dkyil 'khor byug bya ste/ /ba yi lci bas byug bya zhing / /rdul tshon chu bor
150a7 dor bar bya/ /dri yis yang dag legs par byug /rab tu gnas pa mdor bsdus pa'i cho ga'i rgyud rdzogs so// //kha che'i paN+Di ta chen po dz+nyA na badzra dang / lo tsA ba 'bro dge slong shes rab grags pas bsgyur ba'o// //
iiif viewer powered by OpenSeadragon
Texts on this page
D486 - rab tu gnas pa mdor bsdus pa'i rgyud