rKTs

e-texts navigator

Volume

Page

148a₁ tu shis/ /gal te nus pas ma rnyed na/ /ji ltar rnyed pas kun du bya/ /de nas dri yi til mar sogs/ /dU ra ba'i phon gyi pir gyis sbyang / /bkra shis rnga la sogs pa'i sgra/ /na chung rnams kyis de bzhin brjod/ /til mar la sogs sngags kyis ni/ /
148a₂ o~M sarba ta thA ga ta kA ya bi sho d+ha ne swA hA/ bum pa lnga'am yang na brgyad/ /tsan+dan la sogs rnams kyis byug /sna tshogs dri chus dgang ba dang / /'khor lor byas la mngon par bsngags/ /bu mos bkal ba'i srad bu'am/ /yang na ras bal skud pa'ang rung / /tshon chen
148a₃ pos ni bsgyur byas la/ /de la sngags kyis dkri bar bya/ /sman lnga rin chen lnga dang ni/ /me tog 'bras bur ldan pa de/ /me tog yungs kar dang ldan zhing / /bum pa mngon par bsngags par bya/ /gtsug tor rnam rgyal zhes bya dang / /gzi brjid gzhan gyis mi rdzi dang / /bkra shis
148a₄ zhi rnams sngags kyis ni/ /khrus kyi ched du mngon par bsngags/ /'jam pa'i til mar dag dang ni/ /u dum bA ra'i lcug ma bzang / /'khar ba'i snod kyi nang dag tu/ /bkod la rab tu dbul bar bya/ /dri lnga yis ni de dag byug /sa bon gyis ni de dag byug /slob ma tshogs dang
148a₅ bcas pa yis/ /sngags kyi gtsang sbras bkru bar bya/ /bkra shis zhes bya yid 'ong ba'i/ /blo dang ldan pas tshigs bcad brjod/ /cho ga bzhin du mngon dbang bskur/ /sngags ni/ ji ltar bltams pa tsam gyis ni/ /de bzhin gshegs kun khrus gsol ltar/ /lha yi chu ni dag
148a₆ pa yis/ /de bzhin bdag gis khrus gsol lo/ /zhes bya ba la sogs pas so/ /o~M sarba ta thA ga ta a b+hi She ka ta sa ma ya shri ye hU~M/ lugs ma rnams ni dngos su bkru/ /ri mo rnams ni me long la'o/ /ngag byed lngas ni sngon du bsgo/ /dUr pa yis ni mnye bar bya/ /ras sam
148a₇ lag pa dag gis ni/ /blo dang ldan pas sku lus phyi/ /gur gum mar dang bcas pas bsku/ /gos zung dag kyang sku la gsol/ /blo dang ldan pas sngags 'di yis/ /dkyil 'khor dbus su bzhugs su gsol/ /o~M badzra d+hi ba sa se swA hA/ o~M badzra gan+d+he swA hA/ o~M badzra A ba

_{iiif viewer powered by OpenSeadragon}

147b - 148b

Texts on this page