| e-texts navigator |
| བོད་ཡིག |
95b1 rtag tu spang bar bya/ /mnar med shin tu skyi g.ya' ba'i/ /dmyal ba bstan pa gang yin pa/ /der ni slob dpon smod byed pa/ /gnas par 'gyur zhes rab tu gsungs/ /de phyir kun gyis rab bsgrims te/ /bsam yas 'bras bu smin byed pa'i/ /sangs rgyas
95b2 'bras bu 'dod byed pa'i/ /sems can dad pa ldan pas mchod/ /rgyud kyi rgyal po chen po sgyu 'phrul dra ba las/ 'di ni 'jug pa rim par phye ba'i le'u ste dang po'o// //de nas bcom ldan 'das rnam par snang mdzad chen po rdo rje'i de bzhin gshegs pas
95b3 thams cad dang ldan pa'i 'khor gyi dkyil 'khor la gzigs nas sgyu 'phrul dra ba chen po ye shes bsgyings pa gsang ba'i byin brlabs kyi mchog rdo rje zhes bya ba'i ting nge 'dzin la snyoms par zhugs so/ /snyoms par zhugs nas kyang rdo rje 'chang la bka' stsal pa/
95b4 phyag na rdo rje rgyud kyi rgyal po chen po sgyu 'phrul dra ba'i dkyil 'khor gyi rgyal po chen po dkyil 'khor thams cad kyi phyi ma'i yang phyi ma ye shes chen po'i snying po 'bar ba rdo rje bsnyen bkur byed pa zhes bya ba'i dkyil 'khor 'dir dbang bskur na/ dkyil 'khor thams cad du dbang
95b5 bskur bar 'gyur bas phyag na rdo rje sems can gang la las tshon rtsi mthong ba de dag kyang de bzhin gshegs pa thams cad la phyag byas pa dang / mchod pa byas par 'gyur ba la yang dag par zhugs pa de dag ni de bzhin gshegs pa'i sangs rgyas kyi zhing du sangs rgyas
95b6 nyid kyi grangs su 'gro bar 'gyur ba de nyon cig / dang po kho nas yongs su gzung ba byas te/ slob dpon gyis lha nyid kyi stang stabs su 'dug la/ lag pa g.yas pa bsgrims te rdo rje gsor zhing / lag pa g.yon pas dril bu gsil nas rdo rje 'gros kyis yongs su bskor bar
95b7 bya'o/ /rgyan thams cad kyis brgyan pa khro bo'i nga rgyal gyis hU~M zhes brjod cing dkyil 'khor gyis gzhi brjid pa gang gis bskor nas kyang khro bo'i skur bsgoms nas sdang ba'i lha dang / lha ma yin dang gsang ba pa rnams la tshig 'di rab tu brjod par bya'o/ /slob dpon
iiif viewer powered by OpenSeadragon
Texts on this page
D466 - rgyud kyi rgyal po chen po sgyu 'phrul dra ba zhes bya ba