rKTs

e-texts navigator

Volume

Page

45b₁ bsdus sems can la/ /las kyi bar chad mi 'gyur phyir/ /bsam par rdzogs par rin thang bya/ /de nas bdag nyid dad pa yis/ /mchod pa rnam pa lnga rnams ni/ /bsam pa sngags kyis dbul bar bya/ /gong ma'i stang stabs las bya ba/ /g.yas pa nges par
45b₂ bskums pa las/ /g.yon pa legs par brkyang byas te/ /g.yas pa'i lag pas rdo rje nyid/ /phyar nas g.yon gyi be con dang / /rtse sprad spyi bor gnas byas la/ /g.yon pa'i be con g.yas spos la/ /g.yas pa rdo rje g.yon pa yi/ /lag pas bzung nas
45b₃ snying gar mnan/ /be con nges par bskor ba yis/ /phyogs bzhi mtshams su nges par gdag /kha nas hU~M gi sgra 'bar zhing / /sna tshogs rdo rje gar thabs kyis/ /lan gsum rab tu bskor bar bya/ /de nas gdug pa gang yin pa/ /phyogs bzhi dag tu song
45b₄ ba las/ /sa phyogs nges par gtsang bar 'gyur/ /de nas thig sogs gdab pa yis/ /sta gon legs par gnas pa dang / /rim pa bzhin du dbang bskur la/ /rmi ltas nges par gdab par bya/ /bzang ngan ltas dag dbab pa dang / /bzlog dang mi bzlog
45b₅ bya ba gang / /shes rab can gyis gsal bar brtag /sangs rgyas dkyil 'khor bzhengs bya'i phyir/ /bdag gis drag po dang po la/ /phye ma lnga la sngags dag dang / /phyag rgya bcas pas byin gyis brlab/ /de nas snod dag thod pa la/ /byas pa'i rdo rje phyag rgyas gdab/ /
45b₆ nges par las kyi sbyor ba brtsam/ /phyogs su nges par bskor ba yin/ /dbugs rgyu ba yi dngos po gang / /yi ge mngon par gsal ba yis/ /rgyun mi 'chad par bri bar bya/ /skabs kyi skad cig shes pa yis/ /rab tu khro gnyer bstan par bya/ /dang po nag po bri bya zhing / /
45b₇ gnyis pa dkar por nges par dgye/ /gsum pa nyid ni ser po ste/ /bzhi pa dmar po yang dag ldan/ /lnga pa ljang gu bri bya zhing / /drug pa kha dog sna tshogs rgyas/ /dkyil 'khor las rnams rdzogs pa dang / /rdzas su yongs su ldan byas te/ /gru bzhi dag tu byang shar

_{iiif viewer powered by OpenSeadragon}

45a - 46a

Texts on this page