rKTs

e-texts navigator

Volume

Page

44a₁ kyang stag gi pags pa yis/ /smad ni yongs su dkris pa yin/ /de stengs gdan ni rab gnas pa/ /gtso bo nyid la nyi zla yis/ /phrag pa nyid la 'khor bar rgyu/ /tshangs pa dbang po lha chen gnyis/ /zhabs kyis yongs su mnan pa
44a₂ yin/ /shar gyi lha chen rnam rgyal nyid/ /keng rus steng na bzhugs pa bzhin/ /gzhan yang de ltar gnas pa yin/ /sa bon gnas pa gang yin pa/ /sgra dang bcas pa shes par bya/ /dang po gtso bo skyed byed gang / /hU~M las nges par rdzogs
44a₃ bya zhing / /gzhan rnams 'di las 'byung bar bsam/ /hU~M ma~M ba~M a~M/ ya~M ba~M Da~M b+ha~M/ pra~M ma~M sa~M sha~M/ pra~M sha~M ra~M ma~M/ de dag las byung sngags pa yis/ /'od dang bcas par bde gshegs kyi/ /zhal nas 'byung bar yang dag ldan/ /de las rags
44a₄ pa gang zhig gi/ /'bar 'phro nges par bskyed par bya/ /dang po kun kyang gcig pa yis/ /ba~M las gyur pa sna tshogs pa/ /yang dag par ni skyed par byed/ /de 'og ka~M las rab bskyed pas/ /skam por yongs su brtag pa yin/ /de dag rab rdzogs
44a₅ sngags pa yis/ /sku ru yongs su rdzogs byas la/ /bdag gis rnal 'byor yang dag 'grub/ /de nas sngags pa blo ldan pas/ /rigs su nges pa gang yin pa/ /thabs 'di la ni 'jug par bya/ /kun la 'jug par gyur pa yi/ /khyab pa'i bdag po chen
44a₆ po ni/ /rigs kyi gtso bos spyi la khyab/ /mdun ni rdo rje'i rigs yin te/ /lha min la sogs nges par 'jig /g.yas pa nyid na gang gnas pa/ /rin chen rigs su nges pa ste/ /sha za la sogs nges par 'jig /rgyab na gnas pa gang yin pa/ /pad+ma'i
44a₇ rigs su yang dag ldan/ /nor la sogs pa gang dgod pa/ /re ba bzhin du skong bar byed/ /g.yon na nges par gnas pa gang / /las kyi rigs su nges pa las/ /klu dang gnod sbyin la sogs pa/ /ma rungs pa rnams yongs su 'jig /gzhan yang lhag

_{iiif viewer powered by OpenSeadragon}

43b - 44b

Texts on this page