| e-texts navigator |
| བོད་ཡིག |
39b1 sha mig rnam par dag pa yi/ /klu chen brgyad kyis bltas gyur kyang / /mthong bar 'gyur ba ma yin no/ /zhes gsungs so/ /dpal rdo rje gtum po thugs gsang ba'i rgyud phyi ma'i phyi ma las lus rnam par sba ba'i le'u ste bdun pa'o// //de nas lha yi dbang po dang /
39b2 gnod sbyin gyi sde dpon lag na rdo rje gtum po dang / gnod sbyin gyi sde dpon lag na rdo rje gos sngon po can dang / gnod sbyin gyi sde dpon chen po lag na rdo rje stobs po che dang / gnod sbyin gyi sde dpon chen po lag na rdo rje gsang ba'i bdag po dang / de dag la sogs pa
39b3 'dus pa'i tshogs chen po rnams rab tu yi rangs te/ lan brgya stong du mar mchod cing bskor nas mngon par bstod do/ /de nas lag na rdo rje bzhi la bka' stsal pa/ lag na rdo rje bzhi po dang / rgyud 'di dag gang na gnas par khyed kyang rjes su 'brangs la rgyud 'di 'chad pa
39b4 dus gsum du mchod cing bkur bar gyis shig / de'i dgos pa gang ci'ang rung pa ma lus par sgrubs shig /phyi ma'i dus na o tre yul du rgyas par 'gyur gyis der srung bar byos shig ces gsungs nas chos kyi dbyings rnam par dag pa la bzhugs so/ /dpal rdo rje gtum
39b5 po thugs gsang ba'i rgyud phyi ma'i phyi ma las yongs su gtad pa'i le'u ste brgyad pa'o/ / //dpal rdo rje gtum po thugs gsang ba'i rgyud phyi ma'i phyi ma rdzogs so// //rgya gar gyi slob dpon a pa yug ti la dang / bod kyi lo ts+tsha ba bla ban chos kyi brtson 'grus
39b6 kyis zhus te bsgyur cing gtan la phab pa'o/ / //@#/ /dkon mchog gsum la phyag 'tshal lo/ gnod sbyin gyi sde chen po lag na rdo rje drag po la phyag 'tshal lo/ oM mu tsi
39b7 ni swA hA/ mu khe se swA hA/ mo hA ni swA hA/ dan ti swA hA/ cho ga 'di chu khyor ba gang bzlas pa byas te/ 'thungs nas sems bzhin du nyal na lag na rdo rjes rmi lam ston par 'gyur ro/ /rmi lam mthong ba zhes bya ba'i gzungs rdzogs so// //
iiif viewer powered by OpenSeadragon
Texts on this page
D460 - dpal rdo rje gtum po thugs gsang ba'i rgyud phyi ma'i phyi ma
D460a - rmi lam mthong ba zhes bya ba'i gzungs