| e-texts navigator |
| བོད་ཡིག |
33a1 cig lha yi dbang po dag / gdug pa'i dug la rnam mang yang / /bsdus na rnam pa gnyis yod de/ /mngon sum dug dang rku dug ste/ /rkun thabs dug ni bzlog par dka'/ /gdug can nyon mongs gsum ldan te/ /gti mug che bas byol
33a2 song rigs/ /'dod chags che bas dbral bar dka'/ /shin tu zhe sdang che bas kyang / /dug ni rkun thabs dag tu gtong / /de phyir slar yang ldog par byed/ /phrag dog che bas rang rten la/ /gzhan gyis gtses na gzhan la gnod/ /rkun thabs dug gi
33a3 mtshan nyid kyang / /thabs shing gdug pa'i dug klod kyang / /bar bar skabs su ldang bar byed/ /de bzlog thabs ni shin tu'ang dka'/ /de yi bzlog thabs dam pa 'di/ /ngas bstan pa la the tshom du/ /gang zhig byed par gyur pa de/ /nam yang grub
33a4 par mi 'gyur te/ /grub kyang g.yel bar gyur pa yin/ /de nas lha yi dbang po dag /the tsom med par nges par byos/ /tsan dan dmar pos gtsor byas te/ /nA ga ge sar ma gi ta/ /rgya tshil rgya mtsho'i lbu ba dang / /phag rgod dag gi sha dag ste/ /
33a5 yang na rgya tshil ma gi ta/ /phag rgod sha dang sbyar byas te/ /lcags snod nang du lcags kyis phur/ /'bum phrag gsum du bsnyen byas nas/ /sgrub pas dkar gsum gzhan mi bsten/ /'o ma sol chus lus bkrus te/ /nya la gnas drug thig le bya/ /
33a6 mkhur tshos gnyis dang dpral ba dang / /snying ga lkog ma lag mthil gnyis/ /thig le mtshon gang pa re bya/ /lte ba pus mo gsang gnas su/ /ma gi ta nyid 'ba' zhig byug /thig le re la nyi shu gcig /de ltar lo gcig bar du bya/ /gangs
33a7 ri la ni nyi ma bzhin/ /dpal rdo rje gtum po thugs gsang ba'i rgyud phyi ma las rkun thabs kyi dug bzlog pa'i le'u ste dgu pa'o// //de nas lha'i dbang pos gsol pa/ kyai ma khro bdag rdo rje 'dzin/ /gdug pa'i dug gi mtshan nyid gang / /
iiif viewer powered by OpenSeadragon
Texts on this page
D459 - dpal rdo rje gtum po thugs gsang ba'i rgyud phyi ma