rKTs

e-texts navigator

Volume

Page

235a₁ yongs su ngal med par/ /bde ba chen po gsungs pa de'i/ /bde ba thams cad kun bsdus pa'o/ /pad 'dab drug cu rtsa bzhi pa/ /rgyu bcas ched du rnal 'byor ma/ /longs spyod rdzogs las bde ba thob/ /spyod cing spyod la de rtse'o/ /skad cig gcig mngon rdzogs byang chub/ /gzhan du 'jig
235a₂ rten gsum spyod byed/ /'di ni sku ni bzhi po ste/ /sangs rgyas rnams kyi'ang spyod yul min/ /'jig rten 'das pa'i tha snyad kyis/ /rnal 'byor dam pa'i rnam pas bstan/ /'khor lo bzhi yi rnam pa yis/ /kye yi rdo rjer bdag gis bstan/ /sgom pa'i sbyor ba 'dus pa ru/ /rtsa rnams mkha' 'gro ma kun gyis/ /
235a₃ 'bras bu'i sgrub thabs kye rdo rjer/ /gang du rlung gi sgrub thabs ni/ /nyin dang mtshan ma'i rab dbye la/ /'dab ma drug cu bzhir dbyug gu/ /zhes pa 'di dag thun mong gi/ /rab tu dbye bas brjod par bya/ /lha yi gzugs kyi bdag nyid can/ /slar yang sku gsung thugs dbye bas/ /yig gsum nyid kyi mnyam gzhag pa'i/ /
235a₄ yid kyis khong du chud par bya/ /oM yig gis ni 'jug pa dang / /AHyig gis ni de bzhin gnas/ /hU~M yig gis ni dbyung ba yang / /rnal 'byor man ngag las bya'o/ /oM AHhU~M zhes bya ba 'dis/ /rgyu bcas rgyu med bstan par 'gyur/ /de las sa bon mtshan ma'ang slar/ /sna rtser mchog tu bsam par bya/ /'od
235a₅ gsal ba yi rang bzhin bya/ /de bzhin bdag gzhan mnyam pa nyid/ /byed med gzugs kyi phreng ba yi/ /yang yang skad cig skad cig ma/ /gcig las slar yang bzhengs ched du/ /sngags pas grib ma sgyu ma lta'i/ /dbye bas kun tu bsam par bya/ /dag pa'i sku 'di yis ni
235a₆ gang / /ye shes brtson pas bsgom par bya/ /sems can kun ni chos nyid byed/ /lha yi rnal 'byor 'di nyid ni/ /bla ma'i man ngag las rtogs bya/ /slar yang sngags pas 'jig rten don/ /slar yang yi ge bsgom par bya/ /longs spyod rdzogs pa'i sar lan grangs/ /
235a₇ kun tu nges pa 'ching bas bcing / /lag pas nges sbyar steng gis ni/ /yi ges bstan pa'i 'khrul 'khor las/ /rkyang ma dang ni ro ma yis/ /dbus su g.yo med 'jug par gyis/ /sku gsung thugs su nges sbyar nas/ /phyag rgya mchog tu bsam par bya/ /skad cig de las

_{iiif viewer powered by OpenSeadragon}

234b - 235b

Texts on this page