rKTs

e-texts navigator

Volume

Page

231a₁ gtong byed pa/ /gang grub thob pa rnam par spyod/ /ji srid kun du dga' ba'i mchog /bde ba'i gzugs ni de nyid kyis/ /yang dag ldan pa'i sangs rgyas gzugs/ /ji srid khu ba bstan gyur par/ /bdag nyid rtag tu bsgom par bya/ /de ni 'jig
231a₂ rten bden par grags/ /yang na don med da gang las/ /bzhi pa slar yang de bzhin no/ /'dir ni shes rab ye shes gang / /mngon par dbang bskur bzhi pa ru/ /byis pa'i skye bo smra bar 'gyur/ /de ni slar yang de bzhin zhes/ /bzhi pa de nyid gsum pa ru/ /de
231a₃ bzhin byas par mi 'gyur te/ /dang po'i yan lag las slar yang / /smos pa skyon 'gyur de bzhin du/ /byis pa rnams kyi rgyu gsum pa/ /gang yin 'bras bu bzhi pa ste/ /rgyu 'bras dbye ba med pa'i phyir/ /bzhi pa'ang gsum par grub po zhes/ /sngar brjod don dam
231a₄ bden pa nyid/ /gang las phyag rgya gsum gyis ni/ /'bras bu gsum ni sgrub pa'i phyir/ /gsang sngags tshul 'dir sbyin sreg 'bras/ /phyag rgya gsum dang bral ba yin/ /e ma phyag rgya gsum sgrub la/ /las rgya ye shes phyag rgya ni/ /rgyu ru mi 'gyur ro zhes pa/ /las
231a₅ rgya ye shes phyag rgya ni/ /sgom pa yongs su spangs pa las/ /phyag rgya chen po nges par sgom/ /'dir ni dbang po gnyis sbyor ba de/ /'dod pa kun spyod bde ba zhes/ /'dzag dang mi 'dzag mtshan nyid kyi/ /ngo bo'i kun spyod bder mi 'gyur/ /gsum pa rgyu la ma skyes pa/ /
231a₆ rigs kyi 'dzag pa gsum pa'i 'bras/ /don dam bzhi par mi 'gyur ro/ /zhes pas khong du chud par bya'o/ /dbang bskur ba'i cho ga'i le'u ste bcu pa'o// //bcom ldan 'das bris sku'i cho ga gsung du gsol/ bcom ldan 'das kyis
231a₇ bka' stsal ba/ dmar zhing dkar ba'i bud med de la 'bad pas mchod par bya'o/ /skar ma rgyal la brtsam par bya ste/ de yang mngon par dbang bskur bar bya'o/ /de la dog ba dmar zhing dkar ba thag pas 'bad pas 'thag pa'i rgyu dang spun de la sbyin par ba'o/ /

_{iiif viewer powered by OpenSeadragon}

230b - 231b

Texts on this page