rKTs

e-texts navigator

Volume

Page

230a₁ ling+ga dang bang+ga dang / /gau rI dang ni ma ga d+ha/ /su ra ka rgyal u bi kri/ /bi tsa ka la ra dza dang / /go der ma kaM gi lid+ge/ /bi mo dzi zhes bya sogs rgyal/ /dpal ldan gshin rje'i gshed dmar po'i/ /rnal 'byor pas ni 'gyur ba yin/ /gang yang smra rjod byed pa
230a₂ dang / /gang yang brtson 'grus ldan pa dang / /gang yang pha rol gnon pa che/ /kha cig 'dir ni 'jig rten sogs/ /slar yang sngags la mchog gzhol ba/ /slar yang rgyal srid dbang po sogs/ /'khor los sgyur bar 'gyur pa yin/ /gsang sngags chen po legs sbas
230a₃ pa/ /byis pa'i rnal 'byor la mi bstan/ /bden par sangs rgyas nyid 'dod pa/ /rgyud la 'jug pa la bstan bya/ /'di las rgyud 'di brjod pa la/ /dang por dbang bskur bya ba ste/ /phyi nas 'di ni bstan par bya/ /rgyud rgyal rgyud kyi mchog gyur pa/ /sngags dang bsam gtan brjod nyung ba/ /bklags pa tsam gyis 'grub par
230a₄ 'gyur/ /gang sdig las la dga' ba dang / /dad pa dman pas 'grub mi 'gyur/ /gang yang sdig pa byed pa yang / /bslab pa 'dzin par byed na ni/ /'bad med dngos grub nyid 'grub par/ /'gyur bar 'dir ni the tshom med/ /dge ba bcu las brtsams nas ni/ /phyi nas chos ni rab gsal bya/ /de bzhin de yi bya ba ni/ /ji
230a₅ lta ba bzhin 'gyur ba yin/ /zhes pa rgyal srid kyi bslab pa'i le'u ste brgyad pa'o// //bcom ldan 'das kye rgyal po ru/ /'byung bar 'gyur la chos can 'gyur/ /chos kyi de nyid bdag la gsungs/ /sngags kyi de nyid med par gang / /bsam gtan med pa 'di nyid las/ /sems can thams cad bsgral don du/
230a₆ sngags kyi de nyid rab gsal ba/ /bsam gtan med par 'grub par 'gyur/ /bsam gtan med na de nyid las/ /rnam pa gzhan du rgyur 'gyur ro/ /byis rnams phyag rgya de byed pa/ /dang po lha yi gzugs su ste/ /lus ni rnam par dag par bya/ /gnyis par gsang ba bzlas pa ste/ /A li kA li bzlas pa dang / /sku gsung
230a₇ thugs kyi dbye ba yis/ /blo ldan yi ge gsum bzlas bya/ /de bzhin blo ldan khri phrag gnyis/ /brgya phrag bcu drug bzlas par bya/ /nyin dang mtshan mo'i grangs kyis ni/ /gsang sngags bzlas pa byed pa yin/ /de nas de la sna yi rtse/ /kho na sa bon mtshan ma'i rim/ /yungs kar du yang bsam par bya/ /rdo rje skyil krung sbyor

_{iiif viewer powered by OpenSeadragon}

229b - 230b

Texts on this page