rKTs

e-texts navigator

Volume

Page

215b₁ su gyur pa las nyi ma'i dkyil 'khor ro/ /de'i steng du yi ge hU~M dmar po'o/ /de'i steng du brlan dang bcas pa'i mgo bos brgyan pa'i dbyug pa'i dbus su hU~M yig dmar po'o/ /der yang nyi ma la hU~M yig go/ /de las nges par byung ba'i 'od zer rnams kyis nam mkha'i phyogs su
215b₂ dpa' bo'i gzugs de la 'jig rten gsum pa thams cad bsdus nas slar yang de nyid du bcug ste/ dpal gshin rje gshed dmar po'i gzugs su bdag nyid bsam par bya'o/ /sku mdog dmar po g.yon brkyang zhing rnam par 'gyur ba'i zhal mche ba gtsigs pa/ ljags 'dril
215b₃ ba 'jigs par byed pa/ klu brgyad kyis rnam par brgyan pa/ dbu skra dmar ser gyen du 'bar ba/ rked pa'i phyogs su stag gi pags pa 'dzag pas rnam par brgyan pa/ mi'u thung gsus pa 'phyang zhing 'jigs pa/ spyan gsum pa shin tu 'jigs par byed pa dmar po
215b₄ 'bar ba'i rgyun mi zad pa 'od zer sna tshogs kun tu 'khrugs pa/ g.yon par sred med kyi bu la sogs pa'i khrag gis gang ba'i thod pa dang / g.yas par bdud bzhi rnam par 'joms par byed pa'i dbyug pa dkar po dang klu'i rgyan la sogs pas spras pa/ rdo rje ro langs mas
215b₅ phrag par 'khyud pa/ 'dod chags chen po gcig tu nges par rgyas pa dang mtshungs pa gang yin pa'i rje btsun gyi gzugs so/ /rje btsun ma yang de dang 'dra ste khyad par du mgo bo skam pos brgyan pa/ bcom ldan 'das ni 'dzag pa dang bcas pa'i mgo bo'i rgyan dang ska rags kyang
215b₆ grol bar gyur pa'o/ /ma he dmar po la g.yon brkyang gi zhabs kyis gnas par bzhugs pa'o/ /phyi nas bcom ldan 'das las skyes pa'i rtse gsum pa'i dbyug pa dkar po'i dbus su slar yang sa bon kha dog dmar po bsam par bya'o/ /phyi nas bcom ldan 'das kyi rdo rje yang
215b₇ hU~M yig las skyes pa'o/ /slar yang bcom ldan 'das ma'i gsang ba'i pad+mar yang pad+ma 'dab ma brgyad pa dngos su AHyig gis rdzogs par mtshan pa'o/ /de'i rjes su gsang sngags rgyal ba'i bdag nyid can ni/ oM sarba ta thA ga ta a nu rA ga Na badzra swa b+hA ba At+ma kou0f85haM/

_{iiif viewer powered by OpenSeadragon}

215a - 216a

Texts on this page