| e-texts navigator |
| བོད་ཡིག |
215a1 @##/ /rgya gar skad du/ shrI mAM rak+ta ya mA ri tan+t+ra rA dza nA ma/ bod skad du/ dpal ldan gshin rje gshed dmar po'i rgyud kyi rgyal po zhes bya ba/ gshin rje mthar byed dmar po la phyag 'tshal lo/ /'di skad bdag gis thos pa dus gcig na/ bcom
215a2 ldan 'das de bzhin gshegs pa thams cad gcig tu 'dres par gyur pa bdag med ma'i b+ha ga la bzhugs so/ /de la mgrin par dam 'khyud de/ /rang nyid sems can ched zhus pa/ /kyai rdo rjer gsungs pa dang / /thar pa de bzhin sdom par yang / /'dus pa la sogs rgyud du
215a3 yang / /slar yang ches mang du gsungs kyang / /sems can bsam pa yongs rdzogs byed/ /da ni bdag gis rab bshad bya/ /kha cig rgyal srid 'dod pa dang / /tshe ring nad med phun sum tshogs/ /zhi ba la sogs las rgyas pa/ /sna tshogs rgyud du gsungs pa yang / /
215a4 gang yang mngon par spyod pa dang / /dgra yi sde nyams byed pa dang / /skrod dang 'gugs dang gsod pa dang / /sna tshogs rgyud du ma brjod pa'i/ /'khrul 'khor 'jig rten gsum rnyed dka'/ /khyod la phan pa'i thabs gzung phyir/ /bshad bya lha mo gus bcas nyon/ /'khrul
215a5 'khor gang gi mthu stobs kyis/ /rtag tu rgyal srid thob bya ni/ /ji srid nyi ma zla ba bzhin/ /'tsho bar 'dod do gal te min/ /da ni ming gi spyod yul du/ /khu ba rengs dang sde 'gugs dang / /mkha' spyod nyid dang mchog tu myur/ /de yi sman ni bshad par bya/ /dang
215a6 por byams pa bsgom par bya/ /gnyis par snying rje de bzhin no/ /gsum par dga' ba bsgom par bya/ /bzhi par btang snyoms rnam bsgom bya/ /'jig rten chos rnams brgyad po ni/ /yongs btang stong par bsam par bya/ /slar yang stong nyid byang chub ste/ /gnyis
215a7 pa la ni sa bon bsdu/ /bzhi par yi ge dgod pa'o/ /ra yig las byung nyi ma la/ /hU~M byung sna tshogs rdo rje'o/ /de nyid kyis ni rdo rje yi/ /ra ba zhes dang de bzhin du/ /sa gzhi rdo rje bcings pa'o/ /dang por stong par bsgom par bya/ /de nas yi ge aM dmar po yongs
iiif viewer powered by OpenSeadragon
Texts on this page
D475 - dpal ldan gshin rje gshed dmar po'i rgyud kyi rgyal po zhes bya ba