| e-texts navigator |
| བོད་ཡིག |
17a1 thams cad kyi thabs kyis dregs pa nyon mongs pa gdul bar bya'o zhes bka' stsal to/ /dus gsum gyi sangs rgyas thams cad kyang gsang ba'i bdag po la 'di skad ces gsungs so/ /'jig rten gyi dregs pa 'di dag 'dod chags la gnas pas
17a2 sems can la rnam par 'tshe'i/ kun gyi lus dang srog ma rungs par byed pas khyod kyis thams cad khros pa'i tshul gyis thul cig ces bsgo'o/ /phyogs bcu'i zhing khams rnam par dag pa na bzhugs pa'i sangs rgyas dang / byang chub sems dpa' dang /
17a3 rigs so sor kun nas 'dus pa rnams kyang gsung gcig gi nga ros 'di skad ces gsungs so/ /gsang ba'i bdag po khyod shin tu khros pa'i tshul ston la ma mchis pa'i stobs kyis dregs pa can thul cig ces bka' bsgo'o/ /gzhan yang rig sngags dang /
17a4 gsang sngags dang / gzungs sngags kyi bdag po thams cad 'dus te/ rigs kyi bdag po dang / rigs kyi yum dang / rigs kyi khro bo dang / rigs kyi sprul pa dang / rigs kyi pho nya mo la sogs pa thams cad 'dus nas mgrin gcig tu bka' stsal pa/
17a5 gsang ba'i bdag po gdul bya'i zhing 'di dag zhi ba'i cha byad kyis mi 'dul bas/ zhe sdang dang / gdug sems su bcas pa/ nyon mongs pa rang dga' mar spyod pa/ 'dod pa'i skom gyis gdungs pa 'di dag khyod kyi mthu'i stobs kyis shin tu khros pa'i cha byad ston
17a6 la ma 'phyi bar myur bar rab tu thul cig ces bka' bsgo'o/ /de nas sku mi snang ba ye shes chen po'i ngang la bzhugs so/ /dpal rdo rje gtum po thugs gsang ba'i rgyud las khro bor bka' bsgo ba'i le'u ste gsum pa'o// //de nas rigs lnga
17a7 yab yum gnyis su med pa'i mkha' las thugs rjes khros pa'i sa bon hU~M mthing nag ha la nag po'i mdog lta bu 'od zer sna tshogs 'bar ba/ rab tu 'bar ba/ kun tu rab tu 'bar ba dag byung ste/ de'i byin gyis brlabs las thugs rje byin gyis brlabs las e
iiif viewer powered by OpenSeadragon
Texts on this page
D458 - dpal rdo rje gtum po thugs gsang ba'i rgyud dpal gtum po