| e-texts navigator |
| བོད་ཡིག |
164a1 so/ / //rgya gar gyi paN+Di ta mchog gi dngos grub brnyes pa bA ro phyag rdum gyi zhal snga nas dang / bod kyi lots+tsha ba dge slong rdo rje grags kyis bsgyur ba'o// //@##/ /rgya gar skad du/ shrI kri Sh+Na ya mA
164a2 ri ta n+t+ra rA dza tri kalpa nA ma/ bod skad du/ dpal gshin rje'i gshed nag po'i rgyud kyi rgyal po rtog pa gsum pa zhes bya ba/ bcom ldan 'das dpal gshin rje'i gshed po la phyag 'tshal lo/ /don dam chos sku zhi ba nyid/ /gang 'dir khams gsum rnam rgyal te/ /
164a3 gshin rje'i dgra zhes grags pa yi/ /'khor lo bskor ba'i cho ga bshad/ /yon tan ldan pa'i sngags pa yis/ /cho ga bzhin du bsnyen byas nas/ /dur khrod dben pa la sogs par/ /maN+Dal khru do'i tshad du bya/ /dri dang ba yi rnam lnga dang / /nyi zla sogs pas
164a4 byi dor bya/ /ba lang la sogs dam rdzas lnga/ /gzhan yang tshogs kyi 'khor lo dang / /phyi nang mchod pa'i bye brag gis/ /legs par mchod pa byas nas ni/ /'khor lo bri dang btu ba dang / /drang dang bsre dang spo ba brtsam/ /sngags pa rnal 'byor ldan pa yis/ /
164a5 lho yi phyogs su kha bltas te/ /dam tshig rjes su dran pa yis/ /o~M badzra sa ma ya s+t+waM/ gsang sngags 'di ni dran byed cing / /'khor lo bri ba brtsam par bya/ /dbus nas sor tshad bcu drug par/ /kun nas zlum por bskor ba ni/ /'di ni nang gi 'khor
164a6 lo ste/ /rim pa gsum du bskor ba la/ /sgo med lcags mkhar bcu drug bya/ /'di ni gshin rje'i grong khyer te/ /srid pa gsum gyi 'jug sa yin/ /de yi phyi rim mu khyud gsum/ /kun tu lcags ris bskor ba ste/ /mu khyud de dag re re la'ang / /khang
164a7 pa sum cu rtsa gnyis mdzes/ /'gro ba chos bzhin spyod pa yi/ /'khor lo 'di ltar bris nas ni/ /phyi rim mu khyud tha ma la/ /yi ge ka sogs da yig mtha'/ /nga nya bsal nas dgod par bya/ /yi ge d+ha sogs k+ShaHyig mthar/ /de yi rjes su bri bar bya/ /
iiif viewer powered by OpenSeadragon
Texts on this page
D468 - dpal rdo rje 'jigs byed kyi chen po'i rgyud ces bya ba
D469 - dpal gshin rje'i gshed nag po'i rgyud kyi rgyal po rtog pa gsum pa zhes bya ba