| e-texts navigator |
| བོད་ཡིག |
163a1 gar sa'i dkyil 'khor gru bzhi pa mdog ser po la~M gyis byin gyis brlabs pa bsam par bya'o/ /de'i steg du dpral bar zla ba'i dkyil 'khor rnam par bsam par bya'o/ /de'i dbus su yi ge ba~M mgo thur du gnas pa las bdud rtsi 'dzag par
163a2 bsam ste/ 'di ni legs par rnam par bsams nas rlung gis me rab tu sbar te/ me des dbang chen gyi dkyil 'khor bsregs par rnam par bsam/ dbang chen gyi dkyil 'khor gyi drod kyis bdud rtsi'i dkyil 'khor de zhu bar bsam par bya'o/ /'di yi sbyor ba
163a3 tsam gyis ni/ /de yi bud med zhu 'gyur te/ /'o ma yi ni shing bzhin du/ /zhu bar byed par the tshom med/ /de nas rgyal po'am/ rgyal po'i blon po dbang du bya bar 'dod na sngags pa ma he'i gdong can gyi rnal 'byor la rab tu gnas la/ de nyid mdog dmar por bsams
163a4 te/ bsgrub bya gang du gnas pa de'i steng du gnas la/ phyi nas rang gi lus 'jam dpal mdog dmar po phyag na lcags kyu dang zhags pa can phyung ste/ 'jam dpal des bsgrub bya'i snying ga dang mgrin pa bcings nas bkug par bsams te/ 'jam dpal gyi sku la
163a5 rab tu gzhug go/ /bsgrub bya de myos par bsam par bya ste/ de'i snying gar yi ge bcu pa'i sngags rnam par bsam par bya'o/ /yang kha dog dmar po sgrub ba pos ye shes kyi gzugs kyis yi ge la gzhug par bya'o/ /de dang bsgrub bya gcig tu gyur par bya'o/ /bsam
163a6 gtan 'di'i rab tu sbyor bas nyi ma bdun gyis 'khor los sgyur ba yang dbang du 'gyur te/ ji srid 'tsho'i bar du the tshom med do/ /rab tu mnyam par bzhag pa'i sngags pas mi g.yo ba'i bsam gtan gyis bya'o/ /rgyud gang la yang mi sbyin no/ /gal te sngags kyang mi
163a7 bstan/ /dpal rdo rje 'jigs byed chen po ma he'i gdong can gyi bsam gtan gang la yang mi sbyin/ smra bar yang mi bya/ sngags kyi dbye ba yang mi bya/ bris sku yang gang gi mdun du yang mi dgram ste/ thang ka yang gsang bar gzhag go/ /rgyud 'di rab tu sbyor ba dang / /
iiif viewer powered by OpenSeadragon
Texts on this page
D468 - dpal rdo rje 'jigs byed kyi chen po'i rgyud ces bya ba