rKTs

e-texts navigator

Volume

Page

162a₁ dkyil 'khor gyi dbus su bsgrub bya ngu bar bsams la/ de'i mdun du srin po mang po bsam par bya ste/ srin po de dag tha dad pa'i lus can ma rungs pa/ shin tu gtum par sha za ba dang / khrag 'thung bar rnam par bsam par bya'o/ /gzhan
162a₂ yang rnam pa sna tshogs pa'i bya rnams te/ bya rgod dag dang / bya rog dang / 'ug pa dang / wa rnams dang / khyi rnams kyis sha za ba dang / khrag 'thung bar rnam par bsam par bya ste/ bsam gtan 'di'i rab tu sbyor bas the tshom med par 'chi'o/ /dpag tshad brgyan
162a₃ gnas pa'i skyes bu yang sems kyis bzung bas bsam gtan brtsam mo/ /sngags pas bsam gtan brtan par bya'o/ /de nas dbral bar 'dod na ma he'i snying gar bsgrub bya bsam par bya ste/ bsgrub bya gzhan rta'i snying gar rnam par bsam par bya'o/ /rta dang
162a₄ ma he gnyis phan tshun 'thab par byed par bsam ste/ ji srid du rta dang ma he gnyis phye bar ma gyur gyi bar du'o/ /phyi nas bsgrub bya de gnyis/ rab tu mi mdza' bar bsam par bya ste/ bsams pa tsam gyis nyi ma bdun gyis nges par 'thab par 'gyur te/ gzhan du ma
162a₅ yin no/ /de nas bskrad par 'dod na de ru ya~M las yongs su gyur ba'i rnga mo bsam par bya ste/ ya~M de'i rgyab tu ya~M gi rnam pa las gyur pa'i rlung gi dkyil 'khor zla ba phyed pa'i rnam par bsam par bya'o/ /de'i steng du bsgrub bya gcer bu skra bshig pa/ bred par gyur par
162a₆ bsam par bya ste/ ma he'i gdong can gyi sbyor ba la gnas pas de'i rgyab tu gshin rje'i gzugs lag pa g.yas pas dbyug pa 'dzin pa skra bsil ba rnam par bsam par bya ste/ rnga mo de kha lhor bstan la gtang ngo / /de'i ming dang bcas par gshin rje'i sngags brjod pas
162a₇ rnam par bsam par bya'o/ /rnal 'byor pas 'di bsams pa tsam gyis zhag bdun na 'di ltar rdo rje 'dzin pa yang skrod par 'gyur ro/ /gzhan yang bsam gtan gyi rab tu sbyor ba ni bya rog gam/ bya rgod kyi rgyab tu bsgrub bya skra grol ba gcer bu rnam par bsam mo/ /de'i

_{iiif viewer powered by OpenSeadragon}

161b - 162b

Texts on this page