| e-texts navigator |
| བོད་ཡིག |
157b1 sngon du gsungs pa bzhin du yang zhugs te/ yi ge de las rdo rje chen po rnam par gdengs pa kha dog nag po 'od zer lnga dang ldan pa rnam par dmigs par bya ste/ rdo rje de las phra mo'i rnam pa sangs rgyas dang byang chub sems dpa' dang khro bo dang rig pa'i lha mos nam
157b2 mkha' til gyi gang bu ltar gang ba nyi ma la gnas pa rnam par bsam par bya'o/ /de sangs rgyas la sogs pa rnams kyis ni sems can yongs su smin par btul nas byang chub la rab tu bkod de/ yang de nyid lhan cig tu bsdus nas rdo rje'i gzugs brnyan la
157b3 rab tu zhugs par bsam mo/ /rdo rje'i gzugs de nyid zhal dgu pa/ ma he'i gdong can 'jig pa'i dus kyi me ltar 'bar ba'i rdo rje 'jigs byed chen po khams gsum za bar nus pa/ zhal gtsigs pa/ ha ha zhes ljags 'dril ba/ rnam par gtsigs
157b4 pa'i khro gnyer 'jigs pa/ khro gnyer gyi 'gram nas smin ma dang spyan 'jigs pa chen po'i dus ltar khro ba sgra sgrogs pa/ mi'i khrag dang tshil dang zhag dang rkang za ba/ 'jig rten dang 'jig rten las 'das pa'i lha la sogs pa la sdigs mdzub byed pa/ brgya byin
157b5 dang tshangs pa dang dbang phyug chen po dang khyab 'jug dang gnod sbyin la sogs pa za ba/ thod pa gtsigs pa'i rtse mo 'jigs su rung ba'i thod pas thong byas pa/ 'jigs pa chen po can/ phaT ces sgra sgrogs shing thod pa'i 'phyang 'phrul gyi rgyan gyis brgyan pa
157b6 zhabs bcu drug pa/ gcer bu'i gzugs mtshan ma gyen du 'greng ba/ g.yon brkyang ba/ gsus pa che ba/ skra gyen du brdzes pa/ 'jigs pa chen por byed pa/ pheM ces sgra sgrogs pa/ phyag sum cu rtsa bzhi dang ldan pa/ glang po che'i pags pa
157b7 rlon pa 'dzin pa/ dpal rdo rje 'jigs byed chen po/ ma he'i gdong can rnam par bsam par bya ste/ de ltar shin tu bsam pa brtan par byas te/ de kho na nyid kyi sbyor ba la shin tu mnyam par gzhag pa'i sngags pas rtag tu bsgom par bya ste/ g.yas dang po
iiif viewer powered by OpenSeadragon
Texts on this page
D468 - dpal rdo rje 'jigs byed kyi chen po'i rgyud ces bya ba