| e-texts navigator |
| བོད་ཡིག |
157a1 dang por rnam par snang mdzad sbyin/ /ya tshogs brgyad pa'i sa bon la/ /dbyangs yig drug pa dang ldan la/ /spyi bo ru ni thig les brgyan/ /lnga pa yi ni gnyis pa dang / /gsum pa yi ni dang po'o/ /'di ni ma he gdong can gyi/ /snying po'i
157a2 sngags su rab tu grags/ /yi ge re re 'bum bzlas na/ /'jig rten gsum gyi las ni gang / /ci yang rung ba thams cad byed/ /sngags btu ba'i cho ga'i dus 'dir mchod par bya'o/ /'di ni 'jam dpal zhes bya ba dpal rdo rje 'jigs byed chen
157a3 po'i rnal 'byor gyi rgyud las sngags btu ba bstan pa'i rtog pa ste gsum pa'o/ / //de nas rdo rje 'jigs byed kyi sgrub pa yang dag par bshad de/ chos thams cad la bdag med pa sngon du 'gro bas lhar dmigs par bya ste/ dang por re zhig rang bzhin
157a4 gyis dag pa'i sngags brjod pas/ chos thams cad bdag med pa'i ngo bor byas nas nam mkha'i dkyil du ya~M gi rnam pa las grub pa'i rlung gi dkyil 'khor mdog du ba'i rnam pa bsam mo/ de'i steng du dang po'i dbyangs yig las gyur pa'i zla ba'i dkyil 'khor
157a5 dmigs te/ de'i steng du d+hIH'i rnam pa las 'jam dpal gzhon nu'i gzugs su gyur par bsam par bya'o/ /der a'i rnam pa las grub pa'i nyi ma'i dkyil 'khor bsam ste/ nyi ma'i dkyil 'khor de las 'od zer 'phros pas phyogs bcu na bzhugs pa'i de
157a6 bzhin gshegs pa rnams dang byang chub sems dpa' dang rig pa'i lha mo dang khro bo la sogs pa shin tu bskul te/ yang 'ongs nas nyi ma'i dkyil 'khor la bzhugs par bsam mo/ /de nas yang 'jam dpal dang de bzhin gshegs pa la sogs pa de rnams gcig tu gyur
157a7 nas/ nyi ma'i dkyil 'khor du bsam par bya'o/ /'od zer 'bar ba'i rnam pas dpag tshad stong phrag brgyar khyab par gsal bar bya'o/ /de'i steng du hU~M mdog nag po 'od zer lnga dang yang dag par ldan par bsam ste/ hU~M de las 'od zer gyi rnam par 'phros pas
iiif viewer powered by OpenSeadragon
Texts on this page
D468 - dpal rdo rje 'jigs byed kyi chen po'i rgyud ces bya ba