| e-texts navigator |
| བོད་ཡིག |
155b1 pos gtubs nas rnam par brtsegs pa'i sbyor bas rnal 'byor pa gnas pas/ rnam par snang mdzad kyis lus byugs te/ kha lhor bltas nas bsregs na de myur du 'chi'o/ /de nas dpral ba'i rab tu sbyor ba 'byung ba ni bya rog dang / 'ug pa'i rus pa blangs la de gnyis
155b2 la lcags kyi tsher mas bsgrub bya'i ming dang lhan cig tu yi ge bcu pa'i sngags bris la/ gcig pu gnas su gnas te/ gang gi ming dang bcas par bzlas shing / de gcig la gcig drud na 'bral bar 'gyur ro/ de nas gshin rje'i 'khor lo gro ga'i 'dab ma la
155b3 bud med dang skyes pa'i ming bris nas sbal ba'i gsus par bcug nas/ gang gi ming dang bcas pa them pa'i 'og tu sbas na/ de'i yan lag mtshon gyis 'bugs par 'gyur ro/ de nas bu mo rengs pa'i rab tu sbyor ba 'di/ gshin rje'i sngags dur khrod kyi ras la
155b4 dug la sogs pas bris la/ ro bsregs pa'i sol bas gzugs brnyan mtho gang tsam gyi tshad brtsigs la/ de'i snying gar 'khor lo bcug nas rkang pa g.yon pas mnan la/ ma he'i sbyor bas che ge mo'i bu mo myur bar rengs par gyur cig ces yi ge bcu pa'i sngags bzlas
155b5 na rengs par 'gyur ro/ 'di'i las rnams ni gzhan su la yang smra bar mi bya'o/ /gal te sngags pa rmongs pa'i bdag nyid can gyis byed na dmyal bar nges par ltung ngo / /dkon mchog gsum la gnod par byed pa dang / bla ma la brnyas par byed pa dang / dam tshig
155b6 dang bral ba dang / sngags dang rgyud la 'phya bar byed pa dang / sems can la 'tshe ba 'di rnams la phan pa'i phyir sngags pas snying rjes gdungs pa'i sems kyis gnod pa rab tu sbyor ba bya'o/ /gal te gzhan la byas na dam tshig nyams nas tshab chen por 'gro'o/ /
155b7 ngas rgyud gzhan du'ang bshad de/ slob dpon la ni smod byed dang / theg pa chen po skur pa dang / /sngags rgyud rab sbyor ye shes la/ /'phya bar byed pa'i mi gang dag /de ni 'bad la gsad par bya/ /yang na gnas nas g.yo bar bya/ rnal 'byor snying
iiif viewer powered by OpenSeadragon
Texts on this page
D468 - dpal rdo rje 'jigs byed kyi chen po'i rgyud ces bya ba