| e-texts navigator |
| བོད་ཡིག |
153b1 de la le tshe bcu drug pa'i rab tu sbyor ba 'di gsungs te/ 'on kyang 'di'i khyad par ni yi ge sum cu rtsa gnyis pa'i sngags dang ldan pa yi ge bcu pa'i sngags bsgrub bya'i ming dang lhan cig tu yi ge dang sngags spel lo/ /sngon du gsungs pa'i rdzas dang lhan cig tu bya rog gis
153b2 btogs pa'i lhag ma mi gtsang ba dang / rnam par snang mdzad dang lhan cig tu dur khrod kyi ras la byugs te/ de la sngon du gsungs pa'i cho gas 'khor lo bris te/ dur khrod du sbas na 'chi bar 'gyur ro/ /shing gcig gi drung du sbas na bskrad par 'gyur ro/ /mtshan
153b3 ma gcig par sbas na dbye bar 'gyur ro/ /chu'i nang du sbas na rengs par 'gyur ro/ /khyim du bzhag na zhi bar 'gyur ro/ /phyung nas legs par bkrus na grol bar 'gyur ro/ /gzhan yang rab tu sbyor ba gsungs pa gshin rje'i 'khor lo sngon gyi cho gas dur khrod kyi ras la
153b4 bris te/ dur khrod dam/ lam bzhi mdo dang / shing gcig dang / grog mkhar dang / chu 'gram dang / mtshan ma gcig pa dang / rgyal po'i sgo dang / rnam par snang mdzad dang / rdo rje chu dang / dur khrod kyi sol bas bsgrub bya'i gzugs brnyan tshad sor brgyad
153b5 pa byas la de'i snying gar 'khor lo'i sngags bcug ste/ mi'i rus pa'i phur bus gnas lngar gdab par bya'o/ /tshigs thams cad la tsher ma rnon pos dgang bar byed/ /de thod pa gnyis kyi dbus su bcug ste/ de grog mkhar dang gnas bdun gyis sa gshin rje'i
153b6 gzugs khru gang tsam zhal gtsigs pa/ gsus pa che ba/ zhal gcig pa/ phyag gnyis pa/ phyag na ral gri dang zhags pa 'dzin pa/ gcer bu skra bsil ba byas la/ de'i snying gar thod pa gnyis bcug ste/ nyi ma phyed dam nam phyed na dur khrod dam/ ro bsregs
153b7 pa'i sar sbas te/ shin tu ring bar mgo lhor bstan la/ kha thur du phub la sba'o/ /khyim du 'ongs pa dang mnyam par gzhag pas ma he'i gdong gi sbyor bas bsgrub bya'i ming dang bcas pa yi ge bcu pa'i sngags bzlas pa byas na nyi ma gsum gyis 'chi'o/ /phyung nas bkrus
iiif viewer powered by OpenSeadragon
Texts on this page
D468 - dpal rdo rje 'jigs byed kyi chen po'i rgyud ces bya ba