| e-texts navigator |
| བོད་ཡིག |
14b1 byed pa ni rgyud las grub pa'i bsam gtan te/ 'di goms pas gang dang gang 'dod pa thams cad 'grub cing khams gsum gyi dbang phyug tu 'gyur ro/ /gsang ba'i bdag po nga las nyon/ /'jig rten kun las rnam rgyal ba'i/ /sku ni sangs rgyas kun bdag
14b2 nyid/ /gang gis bgos par gyur pa las/ /ci 'dod rnyed par byed pa mchog /gal te rtog med de bral na/ /ye shes nyid ni bla na med/ /rgyal ba'i stobs kyis rtogs par byed/ /nyon mongs kun las rgyal byed cing / /nad rnams thams cad zad byed
14b3 cing / /gal te nad med nad bcas byed/ /dbang dang rengs dang dgug pa dang / /brgyal dang gsad dang dbang phyug dang / /zhi dang srung dang dpal byed dang / /phyir rgol ba rnams brlag pa yi/ /phra mo 'grub pa smos ci dgos/ /'jig rten las grol bde ba'i
14b4 lus/ /rgyal ba'i gsung gis legs 'thob bo/ /sku ni 'dir brjod med pas te/ /spyod tshul rnams las 'das pa'o/ /ming dang tshogs las rnam 'das na/ /nyer zhi spros las shin tu 'das/ /tshig gi yul ni rnam par bral/ /rdo rje sgo la de dag ni/ /
14b5 ci bzhin don ni shes 'gyur gyi/ /gzhan du bskal pa stong du yang / /cis kyang shes par ga la nus/ /gal te dmigs pa zad 'dod pas/ /mi dmigs spros med gang zhig la/ /rang gi sems nyid gzhag par bya/ /de la thar pas grol ba'o/ /gal
14b6 te dga' 'gyur yid yod na/ /dngos 'di shes pas ci ste stong / /de stong spros dang bral ba la/ /shes pa nyid ni ci la brten/ /gsang sngags drag po'i sbyor ba 'di/ /dbang bskur gnang ba med pa dang / /tshul ngan lang tsho phra ba dang / /nga rgyal dregs shing
14b7 khengs pa dang / /theg pa che la ma mos la/ /yi ge tsam yang bstan pa min/ /gal te brgya lam rmongs pa 'gas/ /bstan na rang nyid phung bar byed/ /de skad du khams gsum las rnam par rgyal ba zhes bya ba'i 'od zer de slar rang gi thugs kar bsdus nas
iiif viewer powered by OpenSeadragon
Texts on this page
D457 - la na rdo rje gos sngon po can rdo rje gdengs pa'i rgyud khams gsum las rnam par rgyal ba zhes bya ba