rKTs

e-texts navigator

Volume

Page

13a₁ cig skad cig ye shes las/ /sgyu ma lta bu'i sgyu ma'i sku/ /sgyu ma nyid la rnam grol tshe/ /kye kye ha ha dpa' bo che/ /klu yi dgrar gyur 'jigs byed pos/ /gsang ba'i bdag po rdo rje can/ /nyon mongs las rgyal 'jigs su rung / /dbang
13a₂ phyug khams gsum las rgyal ba'i/ /de bas brtson ldan gang yin des/ /shin tu sgrub pas bsgrub par bya/ /brtan pa'i yid sos par byed pas/ /rgyal ba gsang ba'i bdag po'o/ /de nas gsang ba'i bdag po nyid/ /dngos grub nges par 'byung ba rdo rje zhes
13a₃ bya ba'i ting nge 'dzin la snyoms par zhugs nas sku dang gsung dang thugs rnam par dag pa'i rdo rje las byung ba/ oM badzra pA Ni sarba ar+tha sid d+hi ku ru ku ru swA hA/ lha klu mi min dri za 'am/ /yang na mi yi bu mo yi/ /dpral bar thig le bris nas ni/ /lag tu
13a₄ lcags kyu thogs la gzhag / dkyil 'khor gru bzhi lham pa la/ /brten nas bum pas bsgrub par bya/ /rnam par rgyal ba'i bum par ni/ /sman la sogs pas legs bkang nas/ /ras kyis dkris la gzhag par bya/ /rgyun du de las bsgrub gyur na/ /
13a₅ zhi dang rgyas sogs dngos grub dang / /gzhan yang dngos grub 'grub par 'gyur/ /de nas yang gsang ba'i bdag po mi 'gyur bar byed pa rdo rje zhes bya ba'i ting nge 'dzin la snyoms par zhugs nas dug thams cad zhi bar byed pa'i sngags 'di nyid kyis sku dang gsung
13a₆ dang thugs rdo rje yang dag pa las nges par phyung ngo / /oM na gu nA ge pro taM ga ma ni/ tsa ra po ra~M ya ra ba rA h+yaid ha ri na~M bra~M/ rin chen snod du chu blugs nas/ /sngags kyi rgyal po 'di la ni/ /brgya nas ji srid stong gi bar/ /brjod na 'gro ba'i dug nad sel/ /gzhan
13a₇ yang gsang sngags rgyal po ni/ /gsang ba'i bdag po'i sbyor ba dang / /bcas pas mang du brjod byas nas/ /sgrub pas ci yang 'grub par 'gyur/ /zla ba spyang kis bzung dus su dpral bar go ro tsa nas thig le byas te kha shar phyogs su gyur nas gsang sngags 'di

_{iiif viewer powered by OpenSeadragon}

12b - 13b

Texts on this page