rKTs

e-texts navigator

Volume

Page

119b₁ lag pa gnyis thal mo khong stong du sbyar nas mdzub mo gnyis kyis srin lag gnyis kyi sen mo mnan nas ut+pal kha bye ba'i tshul du gzhug pa ni 'jam pa'i dbyangs kyi phyag rgya'o/ /lag pa g.yon pa pang par bzhag la/ lag pa g.yas pa glang po che'i sna ltar byas pa ni
119b₂ spos kyi glang po'i phyag rgya'o/ /g.yon pa'i rdo rje khu tshur nam mkha' la sgreng ba lag pa g.yas pa'i sor mo ba dan gyi tshul du byas pa ni ye shes tog gi phyag rgya'o/ /bzang po'i 'dug stangs su 'dug ste/ thal mo khong stong du sbyar te snying gar bzhag pa ni bzang skyong gi
119b₃ phyag rgya'o/ /lag pa gnyis chu rlabs kyi tshul du brkyang ba las sor mo rnams chu rlabs drang ba ni blo gros rgya mtsho'i phyag rgya'o/ /g.yon pa rdo rje khu tshur snying gar bzhag la g.yas pa mchog sbyin pa ni blo gros mi zad pa'i phyag rgya'o/ /g.yon pa rdo rje khu tshur pang du bzhag la
119b₄ g.yas se gol gtogs pa'i tshul du byas pa ni spobs pa brtsegs pa'i phyag rgya'o/ /lag pa gnyis pad+ma cung zad kha bye ba ltar byas pa ni mthu chen thob kyi phyag rgya'o/ /lag pa gnyis me tog 'dor ba'i tshul du byas pa ni ngan song thams cad spong ba'i phyag rgya'o/ /lag
119b₅ pa gnyis thal mo khong stong du sbyar ba las bsnun pa'i tshul du byas pa ni mya ngan thams cad kyi mun pa nges par 'joms pa'i blo gros kyi phyag rgya'o/ /lag pa gnyis brkyang nas 'phro ba'i tshul du byas pa ni dra ba can gyi 'od kyi phyag rgya'o/ /g.yas pa mchog sbyin par byas pa la g.yon
119b₆ pa zla ba'i tshul du byas pa ni zla 'od kyi phyag rgya'o/ /lag pa gnyis bum pa'i tshul du byas nas dbang bskur ba ni 'od dpag med kyi phyag rgya'o/ /g.yon pa rdo rje khu tshur byas la g.yas pa'i khu tshur nam mkha' la kun tu bskor ba'i tshul du byas pa ni nam mkha' mdzod kyi phyag rgya'o/ /
119b₇ g.yon pa sa la brkyang nas lag pa g.yas pa'i mdzub mo dang mthe bong sprad nas zhi ba'i tshul du byas pa ni sgrib pa thams cad nges par sel ba'i phyag rgya'o/ /g.yon pa rdo rje khu tshur las khro bo'i mdzub mo snying gar bzhag la hU~M zhes bya zhing / lag pa g.yas pa'i rdo rje khu tshur rdeg

_{iiif viewer powered by OpenSeadragon}

119a - 120a

Texts on this page